web counter
LEXO PA REKLAMA!

SHKARKO APP

App Store
Google Play

Policia zbardh vrasjen e Aleksandër Bardhit/ Arrestohen 2 autorë, shpallet në kërkim 1 tjetër !

14 Tetor 2016, 08:47, Aktualitet CNA

Policia zbardh dhe dokumenton ngjarjen për vrasjen e Aleksandër Bardhit, ngjarje e ndodhur më 24.09.2016.

Gjatë veprimeve hetimore intensive zbulohen dhe arrestohen autorët e vrasjes:

1-  Dhimitër Ciko, 20 vjeç, banues në Ksamil, i dënuar më parë për “Trafikim Narkotikësh”.

2-  A.L., 18 vjeç, banues në Ksamil.

3-  A.Xh., 20 vjeç, banues në Ksamil, i dënuar më parë për “Vjedhje” (shpallur në kërkim).

Gjatë kontrollit të ushtruar në banesën e shtetasit A.Xh., janë gjetur dhe sekuestruar në cilësinë e provës materiale 3 armë zjarri “Automatik-model 56” si dhe 3 krëhëra të mbushur me fishekë, të cilat u dërguan për ekzaminime laboratorike.

Nga ekzaminimet laboratorike që u është nënshtruar këtyre armëve, ka rezultuar se të tre armët e mësipërme kanë realizuar qitje në vendin e ngjarjes për vrasjen e Aleksandër Bardhit.

Gjithashtu, Policia bën me dije se këta shtetas janë autorë në lidhje me një ngjarje tjetër të ndodhur në datën 21.09.2016, ku në vendin e quajtur “Kthesa e shëtitorës” Ksamil, është qëlluar me armë zjarri në ajër, ngjarje për të cilën grupi hetimor ka gjetur dhe sekuestruar në cilësinë e provës materiale 6-gëzhoja automatiku model 56, të kalibrit 7.62 mm.

Si rezultat i ekzaminimeve të kryera për 3 armët e mësipërme për vrasjen e Aleksandër Bardhit, ka rezultuar se 1 prej tyre është përdorur në këtë ngjarje të Ksamilit.

Po punohet për kapjen e shtetasit në kërkim.





Lajmet e fundit nga