Tahiri gjimnazistëve në Kuvend: Kjo sallë është salla më e ulët dhe më e ndyrë

13 Tetor 2016, 13:04, Aktualitet CNA

Ministri i Brendshëm, Saimir Tahiri iu drejtua me një mesazh disa nxënësve nga gjimnazi i Kamzës të cilët ishin të pranishëm në lozhet e Kuvendit.

Ai tha se nuk është ajo politika që dëgjojnë atë në Kuvend, sharja dhe baltosje. Tahiri u shpreh se foltorja e Kuvendit është bërë përfaqësimi më i padenjë i shqiptarëve.

“E ndërkohë më vjen keq që aty lart në lozhë janë disa gjimnazistë nga Kamza të cilët fati i keq i solli në seancë të dëgjojnë çfarë dimension balte, mungese edukate, respekti, çfarë lloj kulture i transmetojmë atyre të rinjve atje dhe shqiptarëve nga kjo foltore. Foltore që është mësuar që për interesa politike të marri përpara këdo, gjithkënd, të shajë të akzuojë, të hedhi baltë, krimnelë, banditë, hajdutë, qorr, shurdh e shumë e shumë të tilla. Unë e vë në dyshim nëse interesi publik apo politik i mbaron të gjitha, por të jeni të bindur ju nxënës atje, ashtu siç janë të bindur shqiptarët që politika nuk është kjo. As i përmban dhe as duhet ti përmbajë këto lloj baltosjesh të pamoralshme në këtë foltore, vetëm e vetëm për të fituar vota, sepse në këtë vend duhet të mbyllet njëherë e mirë kapitulli i fitimit të votave në këtë mënyrë duke përbaltur kundërshtarin jashtë çdo lloj etike, duke i vënë cdo lloj epiteti. Ç?nuk kanë dëgjuar këto mure dhe kurrë nuk kanë dëgjuar falje dhe kurrë nuk kanë dëgjuar diçka të denjë për të përfaqësuar opinionin publik dhe për ti thënë atyre të rinjve aty lart: Po këtu është vendi dhe këtu është salla, ku ca burra dhe gra të ditur mund të mblidhen për të vendosur mbi interesin publik pa akuzuar njeri, pa përbaltur njeri, se janë nxënës, gjimnazistë, shqiptarë që na dëgjojnë jashtë kësaj salle e që presin që ne këtu të diskutojmë për hallet e vërteta të këtij vendi, për arsimin, për ekonominë për papunësinë, për varfërinë dhe këtu nuk dëgjohen këtu. Kjo salla është salla me e ulët dhe më e ndyrë dhe kjo foltore është bërë përfaqësimi më i padenjë për interesin e shqiptarëve, ku më i pamoralshmi mund të dali këtu dhe të bëjë moral, ku më gënjeshtari mund të dalë këtu dhe të predikojë të vërtetën”, tha Tahiri gjatë fjalës së tij.