Tahiri-Berishës: Mos fol për lirinë e medias, "Koha Jonë" u dogj në kohën tënde

13 Tetor 2016, 12:50, Aktualitet CNA

Pas fjalës së ish kryeministrit Sali Berisha ka reaguar ministrin i brendshëm Saimir Tahiri. Ai u shpreh se, Berisha ishte i vetmi person që nuk i lejohej të fliste për lirinë e medias, pasi ka qenë një ndër shkelësit e të drejtave të tyre.

?Prita të kërkoja një minutë heshtje të deputetit tënd. Ta jap unë. Në shenjë humanizmi mbahet një minutë heshtje, qoftë për viktimat e aksidenteve. Për një ish-deputet, një shkodran i mirë, i kërkoj kuvendit një minutë heshtje. Kjo foltore mban në gojë këdo, të shaj të akuzoj, ?kriminel?, hajdut, qorr, shurdh. Të jeni të bindur se kjo nuk është politika, që përmban baltosje të pamoralshme.
Në këtë vend duhet të mbyllet njëherë e mirë kapitulli i vjedhjes së votave. Këto mure nuk kanë dëgjuar kurrë falje. Kjo duhet të jetë salla e dijes, askush nga ne nuk është perfekt, as unë e as ju. Të paktën të njohim veset tona, por jo kështu. Jo me këto akuza. Unë nuk kam fyer kërkend në këtë parlament, Nuk ju fyej dot. jeni prindër, keni m,otra, vëllezër, vetëm se bërtasim për parti të ndryshme. Se bëj dot. Më vjen shumë keq që këtu çohet ish-kryeministri dhe ka qeverisur 17 vite.?, tha Tahiri.

Ndër të tjera ai pohoi se çështja e vdekjes së Ardit Gjoklajt në landifillin e Sharrës është nën hetim.

?Ajo që i ndodhi në sharrë është fatkeqësi, djalit të një polici, që do hetohet, po hetohet. më vjen keq për familjen e tij. Po kush flet për vrasje shtetërore këtu? Kush? Këtu nuk ka më kufi. Njeriu që për Gërdecin thoshte se ishte një aksident teknologjik. Sot the se Gërdeci është vrasje shtetërore. Po si ka mundësi që ish-ministrin e Mbrojtjes e ka sot aleat, nuk u hetua. Qenka vrasje shtetërore në Gërdec? Është ngjarje që duhet të hetohet nga fillimi deri në fund. Ai ka lënë pas 26 viktima, që i quajti ?gabim teknologjik?. Nuk pranoj moral nga ky njeri që bën konferenca për shtyp bënte sikur se dinte si e kishte emrin baxhanaku i tij, ato që financon i biri i tij. Ai që flet për lirinë e mediave, ishte armiku i mediave, se i digjte redaksitë. A nuk u gjobit Top-Channel? Apo dhe gazeta Tema, po ky ishit ju ?dashnorët e fjalës së lirë?. Ku ishit ju? Askush nga ju nuk ka të drejtë që të bëjë moral për lirinë dhe të drejtat e medias.?, vijoi Tahiri. /Citynews.al/