web counter
LEXO PA REKLAMA!

SHKARKO APP

E fundit!

x

Ja fjalimi i Blushit që injoroi publikisht Taulant Ballën

13 Tetor 2016, 11:11, Aktualitet CNA

Nga foltorja e Kuvendit, deputeti Ben Blushi zyrtarizoi largimin nga grupi parlamentar i PS-së. Duke e quajtur Rilindjen ?fatkeqësi kombëtare që duhet ndryshuar me votë?, Blushi tha se kishte vendosur t?i bashkohej një projekti të ri politik i cili është në opozitë me mashtrimin elektoral.

Pas fjalës së tij reagoi Taulant Balla, që i kërkoi Blushit dorëzimin e mandatit pasi i përket PS-së.

Por kjo solli edhe reagimin e fortë të Blushit, që nuk i kurseu sulmet as ndaj deputetit librazhdas.

?Në dilemë jam nëse duhet ta prish solemnitetin e kësaj dite, nëse mund të quhet solemne, duke u marrë me një rilindas. Ka një dy vjet që PS bën një tender që vazhdon përditë. Çfarë është ky tender? Kush shan më shumë Blushin. Ti Taulant e fiton këtë tender vazhdimisht. Do pasurohesh në fund, por do të jesh shumë i shpifur. Në kushte normale do ua kisha dhënë mandatin, nëse do të besoja se do të vlente për ndonjë gjë. Por kujt t?ia japim këtë mandat? Elvis Roshit, Armandos, apo Arben Ndokës? Kujt t?ia dorëzoj mandatin Taulant? Ju po qeverisni me dy parti që ishin me Saliun, që sot janë me ju por që nesër mund të jenë sërish me Saliun. 21 janari? I vrau Saliu, thoni ju. Por nuk thoni që i çuat ju në pritë. Kush e ka bërë këtë Taulant? Kam qenë kundër jush që atëherë dhe nuk mund të jem më me ju sot. Ju përçmoj?, u shpreh Ben Blushi. /Citynews.al/





Lajmet e fundit nga