web counter
LEXO PA REKLAMA!

SHKARKO APP

App Store
Google Play

Berisha: Vrasja e Arditit, vrasje shtetërore/ Bllokuat fjalën e lirë

13 Tetor 2016, 11:55, Aktualitet CNA

Gjatë fjalës së tij në Kuvend ish-kryeministri Sali Berisha ka ngritur zërin për vdekjen e 17-vjeçarit Ardit Gjoklaj, i vrarë në landfillin e Sharrës dhe që tani, sipas Berishës, u vra për së dyti duke bllokuar emisionin investigativ “Publicus”.

Ishj kreu i demokratëve e konsideroi “vrasje shtetërore”, vdekjen e adoleshentit.

“Sot, do doja të hapja fjalën me atë që është akti më i shëmtuar dhe më i paprecedentë në këto 24 vite: Kasaphana e fjalës së lirë, – tha Berisha. – Për herë të parë në 24 vite, një emision investigativ për një çështje jashtëzakonisht të rëndësishme, që verifikohet si vrasje e mirëfilltë shtetërore,nuk e them me dashje, se ka dy lloje, vrasje me dashje dhe pa dashje, por Ardit Gjoklea ishte vrasje shtetërore.

Një 17-vjeçar që përballet me aspektet më të vështira të jetës në këtë vend. Pasi dështuan që ta varrosin me plehra, bënë gjithçka që ta vrasin për së dyti: të bllokojnë emisionin e tij. Kjo është vepër e mirëfilltë e Edi kristaq Ramës, se këtë akt nuk e bën kush veç atij që ka fuqinë e ekzekutivit. Kjo është dëshmi e qartë sesi paratë e krimit po sundojnë çdo ditë! Por, e para është fjala, në libra të shenjtë dhe libra të tjerë!”, tha ndër të tjera Berisha. /Citnews.al/





Lajmet e fundit nga