web counter
LEXO PA REKLAMA!

SHKARKO APP

App Store
Google Play

Aksidenti tragjik në Sukth, makina po ndiqej nga Policia

13 Tetor 2016, 12:39, Aktualitet CNA

Një aksident tragjik tronditi vendin mëngjesin e sotëm, ku 4 të rinj humën jetën pasi dy makina u përplasën në autostradën Tiranë-Durrës.

Ngjarja e rëndë u regjistrua ne afërsi të Sukthit rreth orës 4:15 minuta të 13 tetorit 2016, por sipas informacioneve më të fundit nga Policia, mjeti ka qënë në ndjekje nga forcat e rendit pasi ishte duke lëvizur në kundravajtje, madje ka rrezikuar edhe një patrullë që tentoi ta ndalte.

Kujtojmë se në këtë aksident vdiqën shtetasit: Dashnor Deliallisi nga Durrësi 36 vjeç, Gerta Sherifi 23 vjeçe nga Saranda, Izabela Gega 33 vjeçe, banuese në Tiranë dhe Elona Xhuti. /Citynews.al/

Deklarata e Policisë:

Informacion shtesë mbi aksidentin e mëngjesit të sotëm me pasojë 4 viktima.

Në datë 13.10.2016, në afërsi të karburant “Kastrati”, shërbimet e Rendit dhe të Qarkullimit Rrugor Durrës ishin në pikë kontrolli kur kanë konstatuar një mjet tip ?Benz? duke ecur në krah të kundërt dhe me shpejtësi tej normave të lejuara.

Shërbimet e policisë i kanë bërë shenjë të ndalonte, por drejtuesi i mjetit ka shtuar shpejtësinë duke vënë në rrezik jetën e punonjësve të policisë.

Menjëherë efektivët e policisë në postobllok kanë njoftuar Sallën Operative dhe janë vënë në ndjekje , por mjeti është shkëputur duke përfituar në kohë pasi lëvizte në sens të kundërt dhe shërbimet e policisë nuk kanë lëvizur në sens të kundërt.

Këto shërbime kanë konstatuar pak minuta më vonë se po ky mjet ishte përfshirë në një aksident në autostradën Tiranë-Durrës, në Sukth, rreth orës 04: 15.

Për pasojë kanë humbur jetën në aksident drejtuesi i mjetit tip ?Benz? Dashnor Deliallisi, 36 vjeç, banues në Durrës, i cili u përplas me mjetin tip ?Benz? me targa AA 694 IL.

Gjithashtu humbën jetën Greta Sherifi 23 vjeçe, banuese në Sarandë, pronare e makinës, Izabela Balla, 33 vjeçe, si edhe Elona Kaçibaros, 34 vjeçe, banuese në Tiranë.

 





Lajmet e fundit nga