web counter
LEXO PA REKLAMA!

SHKARKO APP

App Store
Google Play

Elvis Roshit i ka mbaruar mandati. Pse Këshilli Bashkiak nuk propozoi shkarkimin e tij?!

13 Tetor 2016, 08:38, Aktualitet CNA

Me vendim të Gjykatës së Lartë kryetari i Bashkisë Kavajë, Elvis Roshi, i akuzuar nga Prokuroria dhe Opozita për përfshirje në krime të rënda jashtë vendit, u lirua nga masa e sigurisë “arrest me burg”.

Sipas avokatit te tij, Theodhori Sollaku, ai tashmë mund të rikthehet në detyrë, por në bazë të ligjit për qeverisjen lokale, atij i ka skaduar mandati.

Sipas nenit 62, propozohet për shkarkim nga këshilli bashkiak përkatës për mosparaqitje në detyrë për një periudhë 3-mujore të pandërprerë. Elvis Roshi u arrestua me 13 qershor dhe mandati i tij duhej te perfundonte me 13 shtator, por pyetja qe ngrihet eshte pse Keshilli Bashkiak i Kavajes nuk e kerkoi shkarkimin e tij?…

Ja çfarë thotë ligji 139/2015 i Qeverisjes Lokale:

Neni 62 / Shkarkimi i kryetarit të bashkisë

Kryetari i bashkisë shkarkohet me vendim të Këshillit të Ministrave në rastet kur:

a) kryen shkelje të rënda të Kushtetutës ose të ligjeve;

b) dënohet për kryerjen e një vepre penale, me vendim të formës së prerë, nga gjykata;

c) propozohet për shkarkim nga këshilli bashkiak përkatës për mosparaqitje në detyrë për një periudhë 3-mujore të pandërprerë.

Përbërja e Këshillit Bashkiak Kavajë

Këshilli I Bashkisë Kavajë përbëhet nga Kryetari I Këshillit, Sekretare e Këshillit dhe 31 Anëtarë,

10 anëtare të Partisë Socialiste, 9 anëtarë të Partisë Demokratike, 5 anëtarë Lëvizja Socialiste për Integrim, 1 anëtar G99, 2 anëtarë Partia Republikane,1 anëtarë Partia Aleanca Demokristiane e Shqipërisë, 1 anëtar Partia për Drejtësi Integrim dhe Unitet, 1 anëtar Fryma e Re Demokratike, 1 anëtar Partia Demokristiane e Shqipërisë. /Citynews.al/

 





Lajmet e fundit nga