web counter
LEXO PA REKLAMA!

SHKARKO APP

App Store
Google Play

Kjo kontratë nuk cënon aspak menaxhimin e Kaskadës së Drinit

23 Shtator 2016, 15:45, Aktualitet CNA

Ministri i Energjisë Damian Gjiknuri mohon akuzat e Berishës të cilit i drejtohet me ?shpifës dixhital? të cilit humbja në Dibër ?i ka lënë pasoja dhe e ka irrituar?

Më pas Gjiknuri shpjegon se kontrata për Depozitimin e Energjisë në Kushtet e Prurjeve të Mëdha, nënshkruar ndërmjet KESH sh.a dhe Shoqërisë EFT, të cilës i referohet ?me dashakeqësi të qëllimshme Berisha, nuk i jep të drejta Shoqërisë EFT për të realizuar menaxhimin e Kaskadës së Drinit?

?Kontrata e depozitimit, synon të ofrojë një zgjidhje të problematikës që në vazhdimësi ka rezultuar si pasojë e situatave emergjente dhe të paparashikuara të shkaktuara nga prurjet e mëdha në basenet e HEC-eve të kaskadës mbi lumin Drin, periudha në të cilat shoqëria KESH sh.a. ka qenë e detyruar të kryejë shkarkime uji pa prodhim energjie. ?, shprehet Damian Gjiknuri.

Sipas ministrit përkundër sa pretendon Berisha: ?kjo kontratë nuk cënon aspak as menaxhimin e Kaskadës së Drinit, as detyrimin për shërbimin publik karshi konsumatorëve shqiptarë.

Duke folur për ish-kryeministrin Berisha Gjiknuri tha:

?Jo rastësisht sot, në ditën e inaugurimit dhe vënies në punë të hidrocentralit të Banjës, një ndër investimeve më serioze në vend, Sali Berisha doli para medias për të lëshuar një valë të re shpifjesh ndaj personit tim dhe sektorit energjitik në tërësi. Lëshon sot shpifje, ditën kur u kurorëzua produkti i një bashkëpunimi të ngushtë e për tu marrë shembull mes qeverisë dhe investitorit privat Statkraft, që i dha zgjidhje problematikave të lëna jetime në kontratën fillestare koncesionare. Asnjë shqiptar sot nuk e beson këtë varrmihës të sektorit energjitik që vjell vrer ndaj çdo sektori e reforme që ecën përpara në këtë vend dhe ndaj çdo drejtuesi politik që drejton këto reforma? /Citynews.al





Lajmet e fundit nga