E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Diskutohet për statusin e gjyqtarëve në komision/ Mungon opozita

23 Shtator 2016, 13:35, Aktualitet CNA

Paketa e 7 ligjeve të reformës në drejtësi është diskutuar edhe këtë të premte në komision pa praninë e opozitës. Në fokus ka qenë P/ligji për Statusin e Gjyqtarëve dhe Prokurorëve.

?Për herë të parë statusi i gjyqtarit dhe prokurorit rregullohet me ligj të posaçëm. Sot kemi trajtuar përfundimisht atë bashkëpunim që patëm me Ministrinë e Financave, Drejtorinë e Administratës publike lidhur me pagat e gjyqtarëve dhe prokurorëve por mos harroni që edhe administrave të gjykatave dhe prokurorive.Nuk mund të flas me shifra pasi aty janë shumë krerë, me rëndësi është që trajtimi i tyre do të jetë më dinjitoz.Në këtë ligj rregullohet cilësia se kush mund të jetë magjistrat, si mund të ushtrosh detyrën e magjistratit, si mund të japësh drejtësi, rregullat që janë përcaktuar për funksionin e magjistratëve, masat displinore, çdo lloj zvarritje apo vendimi të paligjshëm, abuziv, përgjegjësinë që do mbajnë tashmë gjyqtarët dhe prokurorët për shkeljet e ligjit qoftë dhe nga pakujdesia?, tha deputetj e PS-së Vasilika Hysi.

Hysi tha se mbetet edhe ligji i fundit për tu diskutuar dhe 7 ligjet janë gati për seancën e së enjtes, ndërsa kritikoi opozitën për mospjesëmarrje në diskutim.

?Ka mbetur për diskutim dhe ligji shtesa dhe ndryshime në Gjykatën Kushtetuese dhe paketa e 7 ligjeve përmbyllet. Të enjten janë në seancë ligjet. Opozita ka bërë zgjedhjen e saj, duhet të ishte e pranishme. Ky ligj është diskutuar që në muajin qershor, është voluminiz, gati 180 nene që rregullon aspekte të punës së gjyqtarëve dhe prokurorëve, raportin me qytetarin?, tha Hysi.

Lidhur me statusin e gjyqtarëve Hysi theksoi se ligji rregullon statusin e gjyqtarëve dhe ata nuk kanë pse ndiehen të kërcënuar.

?Ky ligj rregullon shumë mirë statusin e gjyqtarëve dhe prokurorëve, qartësohet karriera e tyre, kriteret e emërimit të tyre, transferimit, komandimit, të ngritjes në karrierë. Nuk do kemi raste që një gjyqtar nga shkalla e parë menjëherë të katapultohet në Gjykatën e Lartë?, theksoi Hysi

E pyetur nëse 7 ligjet do të kenë fatin e vettingut, Hysi tha se nuk k apse të ketë të njëjtin fat dhe se ligji i vettingut është mkiratuar. ?Çdokush mund t?i drejtohet Gjykatës Kushtetuese?. /Citynews.al