E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Tenderi i kaskadës së Drinit në sekret të plotë/ Mega-afera e pastër shqiptaro-serbe

23 Shtator 2016, 11:36, Aktualitet CNA

Ish-Kryeministri Sali Berisha ka denoncuar para gazetarëve një tender të KESH që po mbahet në sekret të plotë nga Ministri i Industrisë Damian Gjiknuri. Berisha e ka quajtur këtë ?afera e pastër shqiptaro-serbe?.

?Kaskada e Drinit, po tregtohet si në pronë private nga hajduti me fytyrë njeriu, Damian Gjiknuri?, tha ish-kryeministri Sali Berisha. Berisha e quajti një mega-aferë tenderin e KESH me EFT.

?Dua të denoncoj një mega-aferë të re të përmasave gjigande korruptive të realizuar me urdhër direkt të Edi Ramës nga hajduti me fytyrë njeriu Damian Gjiknuri. Me datë 30.06.2016, KESH, sipërmarrja që ka për drejtor një Agron Hetoja apo Hatoja hap tenderin me subjekt shprehje interesi për marrëveshjen në kuadër për depozitimin e energjisë elektrike.

Një tender i cili mbahet në sekret të plotë. Pa shpallje zyrtare, pa ftesë për kompani ndërkombëtare prezente në tregun energjitik shqiptar, por thjesht publikuan në arkvin e faqes së internetit të KESH.sha dhe në atë tender lind një kontratë monstruoze korruptive për llogari të Edi Ramës dhe hajdutit me fytyrë njeriu Damian Gjiknuri?, tha Berisha.

Ish-kryeministri Berisha tha se për këtë tender nuk u bë shpallja e nevojshme nga Agjensia e Prokurimeve dhe pas njoftimit në internet shumë kompani të interesuara as nuk u afruan dot me KESH për negociata.

?Kontratë midis KESH.sha dhe kompanisë EFT e njohur ndryshe si lugati i korrupsionit në rajon.Disa kompani ndërkombëtare prestigjioze pasi panë njoftimin në faqen e internetit nxituan të paraqesin ofertat e tyre por të gjitha çuditërisht nuk u afruan dot as në fazës e negociatave me KESH. Kjo një histori e paprecedent pasi procedura shprehje-interesi nënkupton fazën e negociatave me të gjitha kompanitë të cilat plotësojnë kushtet.Tenderi nuk u shpall nga Agjencia e Prokurorimeve. U vu vetëm një letër afishimi. Megjithatë kompanitë shkuan për të paraqitur ofertat e tyre, që të gjitha u hodhën poshtë pa negociata fare dhe mbeti vetëm një kompani fitimtarja?, tha Berisha.

Ish-kryeministri Berisha kerkon hetime për këtë çështje. Duke e quajtur një nga ?aferat e mëdha korruptive shqiptaro serbe? Berisha i bëri thirrje prokurorisë të nisë me urgjencë hetim kryesisht ndaj Agron Hetosë, Edi Ramës, Damian Gjiknurit.

Berisha kërkoi gjithashtu që edhe Prokurori e Serbisë të ndërmarrë të gjitha hetimet për këtë aferë, ku kompania serbe e fiton këtë tender duke eliminuar çdo kundërshtar. /Citynews.al