web counter
LEXO PA REKLAMA!

SHKARKO APP

App Store
Google Play

Parlamenti vesh me tuta, poshtë e poshtë Kushtetuta

23 Shtator 2016, 09:47, Aktualitet CNA

Gazetari Klodian Tomorri në një postim në rrjetet sociale shigjeton ligjvënësit me kushtetutën si një institucion armiqësor, ndaj qytetarit shqiptar. Në fakt në vend që të ishte një garant i të drejtës dhe lirisë së qytetarëve të saj, Tomorri argumenton pse ajo merr këtë pozicion në raport me sovranin.

Duke u ndalur në pikën e garantimit të të drejtës për referendum Tomorri thotë se fjala finale i takon qeverisë dhe Parlamentit, ndërsa Kushtetuta nuk e ka këtë të drejtë.

?Problemi është se Kushtetuta jonë është aq armiqsore me demokracinë e drejtpërdrejtë, saqë ja ka mbyllur thuajse të gjitha shtigjet zërit të qytetarëve. Tani është normale që Kushtetuta të mos lejojë Referendum për taksat, apo luften. Por kjo jona potencialisht nuk të lejon për asgjë, sepse në finale, prapë vendimin përcaktues e kanë institucionet politike. Me pak fjalë, këtu mund të mbahet Referendum vetëm po të dojë Qeveria dhe Parlamenti?, shprehet Tomorri.

Megjithatë nuk është vetëm kushtetuta ajo që nuk i shpëton vëzhgimit të gazetarit, por edhe shoqëria, të cilën ai e vë në pikëpyetje për pjekurinë e reagimit, ndaj padrejtësive që i bëhen. Tomorri e sheh si një ekuacion të vështirë Kushtetutën, shoqërinë dhe vendimet në dorë të politikës në Shqipëri.

?Tani problemi është, çfarë ndodh kur elita politike merr vendime kundër vullnetit të qytetarëve dhe Kushtetuta nuk lejon sfidimin e tyre? Konkluzioni logjik do ishte trazira popullore. Por kjo kërkon një shoqëri të shëndetshme, të arsimuar dhe me ndërgjegje të lartë shoqërore. Dmth është pak ekuacion i vështirë?, shprehet Tomorri. /Citynews.al





Lajmet e fundit nga