E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Skandali/ OMNIX Albania resort turistik, apo kontratë qiraje për mbarështimin e florës së egër

23 Shtator 2016, 07:46, Aktualitet CNA

Nga Elvi Fundo (CityNEWS)

Një ngjarje e rëndë kriminale ka ndodhur disa ditë më parë. Biznesmeni libanezo-amerikan Faadi Mitri u rrah në mënyrë kriminale, pas inskenimit të një aksidenti. Më pas u mësua se nuk kishte qenë një aksident i rastësishëm. Disa persona e kishin rrahur për shkak të një konflikti pronësie.

Mediat raportuan se biznesmeni ishte një investitor I fuqishëm që pritej të vënte një investim rreth 450 milionë euro në gjirin e Lalzit.

Biznesmeni u largua nga Shqipëria, por e vërteta ka shumë pikëpyetje. Askush nuk do të donte dhunimin e një investitori të huaj në Shqipëri , aq më tepër tërheqjen e tij nga investitmet, por minimalisht transparenca dhe jo arratisja e tij do të ishte minimumi që ky biznesmen kompania e tij duhet t?i jepnin qytetarëve shqiptarë pasuritë e të cilëve i marrin dhe i shfrytëzojnë.

Resort apo?

CityNEWS ka mundur të sigurojë disa dokumenta të cilat tregojnë realitet tjetër nga ai që raportohet në media apo që u serviret këtyre të fundit nga zyrat pranë qeverisë, apo grupeve të lobimit.

Deri tani asnjë nga mediat nuk na ka dhënë një investigim të plotë dhe të qartë si qëndron e vërteta e resortit të pretenduar i cili na është shfaqur në media edhe në një projekt konkret.

CityNEWS ka mundur të sigurojë disa dokumenta të cilat tregojnë se shoqëria OMNIX Albania shpk me administrator Faadi Mitri ka pasur një kontratë qiraje lidhur me ministrinë e Mjedisit, konkretisht Drejtorinë e Shërbimit Pyjor, Durrës, në një sipërfaqe të fondit pyjor dhe kullotës, prej 28.018 ha tokë, sipërfaqe që përkon me atë numër të vendimit të Qeverisë të firmosur nga Niko Peleshi në korrik për ta nxjerrë nga fondi pyjor.

Kjo sipërfaqe nuk i është dhënë Faadi Mitrit dhe OMNIX për ndërtimin e një resorti por sipas dokumentit të siguruar nga Citynews në datën 20 maj 2011, sipas kontratës së qirasë, sipërfaqa 28.018 ha tokë në objektin Shën Pjetër, ngastra pyjore në Rrotull është dhënë me objekt: ?Mbarështimin e florës së egër dhe ushtrimin e veprimtarive sportive & rekrative (kënde lojrash për fëmijë, kamping)?.

Sipas këtij dokumenti të Drejtorisë së Shërbimit Pyjor, drejtuar OMNIX Albania, për dijeni të ministrit të Mjedisit Lefter Koka, në datën 22.01.2014, bëhet e ditur se më datë 22 nëntor 2013, Drejtoria e Shërbimit Pyjor Durrës, me dokumentin nr.734, ka njoftuar dhe bërë me dije për mos-mbarëvajtjen e kësaj kontrate dhe ka kërkuar paraqitjen pranë Drejtorisë Pyjore të subjektit, për mbushjen e detyrimeve ligjore që burojnë nga kjo kontratë.

Gjithashtu theksohet se bazuar në raport-shërbimin e datës 13.01.2014, Drejtoria e Shërbimit Pyjor Durrës, inspektoi nga brenda sipërfaqen dhe rezultoi se OMNIX Albania, nuk ka filluar aktivitetin për mbarështimin e florës së egër.

Nga matjet, sipas po këtij raporti rezulton të jenë rrethuar 42 ha tokë, si rrjedhojë, keni uzurpuar në mënyrë të paligjshme këtë sipërfaqe.

Po ky dokument thekson se për këtë arsye (pra uzurpimin e 42 ha) shoqëria OMNIX Albania, është proceduar sipas ligjit 9385 dt. 04.05.2005, ndryshuar më ligjin 9791 dt. 23.07.2007.

Në pikën 3 të këtij dokumenti thuhet se OMNIX Albania, ka rrethuar brezin e rërës, ose plazhit publik, duke shkelur kështu në flagrancë të plotë VKM nr. 676 dt. 20.12.2002 për monumentet Natyrore. Ky rrethim tre vjeçar i paligjshëm, në këtë sipërfaqe për pasojë ka sjellë ndikim në biodiversitetin natyror.

Dokumenti që mban firmën e Drejtorit të Shërbimit Pyjor Durrës, Genci Balla, më tej thekson se ky institucion kërkon nga OMNIX Albania lirim, heqjen e menjëhershme të rrethimit të paligjshëm si dhe plotësimin nenen për nen të detyrimeve që burojnë nga kjo kontratë deri më 28 shkurt 2014.

Fermë mbarështimi me shkelje ligjore

CityNEWS me dokuementat e siguruara ka zbardhur një pjesë të së vërtetës, të cilës do t?i shkojë deri në fund. Një mashtrim publik, apo një debat shterpë për gjoja resorte turistike të filluara në vitin 2011 të rinovuara në 2013, apo të vendosura në rrugë ligjore në 2016.

Sipas dokumentave që ne disponojmë dhe po i publikojmë pjesërisht më poshtë (të tjerat në vijim), rezulton se OMNIX Albania, ka marrë një fond 28.018 ha , ndërkohë që ka rrethuar 42 ha, ku rezulton sipas dokumentit që jo vetëm nuk kemi resort, por ka një kontatë qiraje për mbarështim të zogjve të egër dhe kënde lojërash.

Gjithashtu dokumentat tregojnë se kemi edhe 14 ha të uzurpuar nga ky subjekt.

Jo vetëm kemi një sipërfaqe toke të uzurpuar të faktuar dhe vërtetuar sipas dokumentave dhe shkresave zyrtare të dërguara nga Drejtoria e Shërbimit Pyjor Durrës, por kemi edhe një rrethim të paligjshëm.

Së treti shoqëria OMNIX Albania të paktën sipas pretendimeve të dokumentave zyrtare nuk ka respektuar asnjë pikë të kontratë qirasë. (vijon) CityNEWS