web counter
LEXO PA REKLAMA!

SHKARKO APP

App Store
Google Play

Qeveria nuk finacon investimet prioritare në bashkitë e djathta

23 Shtator 2016, 13:19, Aktualitet CNA

Kryetarja e bashkisë së Shkodrës Voltana Ademi akuzon kryeministrin Edi Rama për mosfinancimin e bashkive të djathta. Ajo ka akuzuar qeverinë dhe kryeministrin Rama për qasje politike për investime projektesh. Ademi tha se Qeveria nuk po respekton kriteret dhe prioritete për zhvillimin e Bashkive të vendit.

Ademi theksoi se Shkodra do i drejtohet BE-së për financime të projekteve prioritare me rëndësi kombëtare.

 ?Jo vetëm bashkia Vau Dejës, Shkodër, Kamëz, Kukës, Selenicë, Përmet, Pogradec, Tropojë, Lezhë. Janë Bashki që kanë paraqitur një sërë projektesh në vazhdim. Ose flasim teknikisht, ose flasim politikisht. Në aspektin e vendimarrjes përsa kohë nuk ka një argument teknik atëherë sigurisht qasja politike është ajo që zë vend?, tha Ademi.

Kryebashkiakja tha se do i drejtohet Bashkimit Europian për financime të projekteve, si në rastin e ndërtimit të një impianti përpunues të ujërave të zeza që të shpëtohet nga degradimi një pasuri kombëtare si liqeni i Shkodrës.

?Një impiant të përpunimit të ujërave të zeza të qytetit të Shkodrës nuk ishte vënë në listën e prioriteteve. Shpresoj që kjo të ndryshojë dhe sigurisht BE edhe në sajë të takimeve dhe lobimit që vetë Bashkia ka bërë të mund ta vendosë atë në listën e prioriteteve. Janë projekte të mëdha, në fakt impianti që është në Shirokë është në funksion të plotë, nuk ka probleme, nuk ka detyrime, funksionon, duke dhënë një shembull, që Bashkia e Shkodrës di ta bëjë?.

Bashkiakët e djathtë sfidojnë kryeministrin Rama me një takim ku do ti kërkohet të diskutojë në lidhje me financimet dhe kriteret që Qeveria nuk po zbaton për shpërndarjen e tyre.

Por duket që atë që nuk e ka bërë Qeveria e ka bërë Ministria e Mbrojtjes e cila ka vendosur të mbështesë Bashkinë e Shkodrës me rindërtimin e urës së Bunës, e ndërtuar 127 vjet më parë dhe ku ka pasur ndërhyrje të pjesshme. /Citynews.al





Lajmet e fundit nga