web counter
LEXO PA REKLAMA!

SHKARKO APP

App Store
Google Play

Mogerini: Zbatimi i reformës në drejtësi vendimtar për Shqipërinë drejt BE-së

23 Shtator 2016, 12:35, Aktualitet CNA

Zyrtarja e Lartë të BE-së për Politikën e Jashtme dhe Sigurinë, Federica Mogherini deklaron se zbatimi i Reformës në Drejtësi është vendimtar edhe për rrugëtimin evropian të Shqipërisë.

Mogerini rikonfirmoi angazhimin dhe mbështetjen e BE-së për këtë reformë jetike për vendin gjatë takimit që ka zhvilluar me ministrin e jashtëm shqiptar Ditmir Bushati në Nju Jork.

Mogerini vlerësoi angazhimet e ndërmarra për përmbylljen e paketës kushtetuese lidhur me reformën në drejtësi, si dëshmi e vullnetit të qëndrueshëm politik për të avancuar në këtë proces.

Ministri Bushati konfirmoi vendosmërinë e qeverisë shqiptare për të vijuar me reformat shtet-konsoliduese dhe theksoi se në këtë kontekst, miratimi me unanimet i ndryshimeve kushtetuese për reformën në drejtësi dhe fillimi i procesit të zbatimit të saj përfaqëson një arritje domethënëse në këtë drejtim dhe përbën bazë solide për çeljen e bisedimeve të anëtarësimit.

Në takim u shkëmbyen pikëpamje mbi zhvillimet më të fundit në rajon dhe thellimin e bashkëpunimit ndërmjet BE-së dhe Ballkanit Perëndimor. Ata gjithashtu u ndalën në arritjet e rëndësishme në vend, veçanërisht përmbushjen e prioriteteve kyçe për çeljen e bisedimeve të anëtarësimit.

Bushati zhvilloi edhe një takim me homologun gjerman Frank-Walter Steinmeier, i cili vlerësoi rolin e posaçëm që Shqipëria luan në rajon. Të dy ministrat vunë në pah impaktin pozitiv të Procesit të Berlinit, i cili ka jetësuar një bashkëpunim të përforcuar mes vendeve të Ballkanit Perëndimor. /Citynews.al

 





Lajmet e fundit nga