web counter
LEXO PA REKLAMA!

SHKARKO APP

App Store
Google Play

Integrimin europian alternativa e vetme

23 Shtator 2016, 13:58, Aktualitet CNA

Presidenti i Republikës, Bujar Nishani gjatë fjalës në sesionin e 71-të Asamblesë së Përgjithshme të Kombeve të Bashkuara përshëndetur zgjedhjen e Presidentit të Asamblesë së Përgjithshme, Peter Thomson.

Nishani theksoi se Shqipëria ka ndjeshmërinë e duhur ndaj sfidave me të cilat përballet bota sot dhe mbështet përpjekjet e përbashkëta për parandalimin e konflikteve. Duke folur për procesin e integrimit, Nishani theksoi se Bashkimi Evropian po kalon sfida të forta pas Brexit, duke nënvizuar se Shqipëria është e vendosur për të vijuar rrugën e reformave.

?Marrja e statusit të Vendit Kandidat dhe pritshmëria për hapjen së shpejti të negociatave të aderimit në Union, janë njohje të arritjeve të Shqipërisë në realizimin e reformave të nevojshme dhe arritjen e standardeve të kërkuara?, tha Nishani.

Bashkimi Evropian po kalon sfida të forta, veçanërisht pas BREXIT, por Shqipëria është e vendosur për të vijuar me rrugën e reformave, duke e konsideruar integrimin evropian si objektivin më madhor të saj dhe alternativën e vetme e më të mirën.

Nishani foli edhe për reformën në drejtësi, duke theksuar se ajo përbën një bazë solide për hapjen e negociatave.

?Në kuadrin e reformave të brendshme, një prej reformave më madhore ka qenë dhe mbetet reforma në drejtësi, e cila jo vetëm që përbën një bazë solide për hapjen e negociatave të aderimit në Bashkimin Evropian, por përmirëson standardet e funksionimit të shtetit ligjor dhe garanton një zhvillim të qëndrueshëm ekonomiko-social?, theksoi Nishani. /Citynews.al





Lajmet e fundit nga