E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Origjinaliteti në rokun shqiptarë mban emrin ‘Foleja’

19 Shtator 2016, 14:51, Kulturë CNA

Me kënaqësinë më të madhe nisa t?i shkruajë këta rreshta, të cilët ia dedikojë njërit prej grupeve të para shqiptare. Këngët e tyre sa here i dëgjon, të krijohen emocione të jashtëzakonshme.

I formuar në vitin 1978 nga disa të rinjë ambicioz nga Kumanova, grupi do të mbajë me krenari emrin ?Foleja?, që unë e cilësoj si njërin nga emrat më të bukur shqip që ekziston.

Formacioni i parë me të cilin ?Foleja? erdhi në skenën tonë ishte i përbërë nga:

Agim Asllani, (solokitaristi i parë i grupit) Kenan Ismaili, (solokitarist) Enver Latifi, (solist) Besnik Arifi, (kompozitor, kitarist, tekst-shkrues) dhe Edita Ramizi (pianiste dhe flautiste).

Me këtë formacion ata do të njihen në mbarë shqiptarinë si një grup origjinal dhe eminent.

Përkundër vështirësive të mëdha me të cilat u ballafaquan, (për shkak të mungesës së instrumenteve, hapësirës), ata nuk u ndalën duke arritur kështu një kthesë të jashtëzakonshme në jetën kulturore të asaj kohe, duke bërë kështu jetën më të gjallë në qytetin e Kumanovës. Ata ishin të parët që organizuan manifestime të ndryshme, në të cilat këndohej kënga shqipe. Fjala vjen organizimi i ballove që i bënte bashkë të rinjtë e të rejat, organizime këto të cilat nuk kishin ekzistuar më parë në qytetin e Kumanovës.

Këngët legjendare që ata i krijuan me aq dashuri, vazhduan t?i mbijetojnë kohës dhe kështu nuk u vyshkën kurrë. Por, në fund të vitit 1983 ata hasën përsëri në telashe, kur udhëheqësia e Shtëpisë së Kulturës mori vendim t?ua ndalonte ushtrimet dhe provat, të cilat deri atëherë i kryenin aty.

Ishin sllavët ata që kishin frikë nga suksesi i këtij grupi të madh, dhe kështu ata do të bëjnë përpjekje edhe për ta shuar të tërin. Por, natyrisht do të dështojnë. Ata do t?i mposht vullneti i madh i djemve, i cili do t?i tejkalojë gjitha barrierat. Ata do të ushtrojnë kah të munden duke përfshirë këtu edhe bodrumet e shtëpive të tyre, deri në vitin 1985 kur për shkaqe të ndryshme anëtarët e grupit do të fillojnë të largohen nga muzika.

Derisa koha kalon, këngët e tyre fillojnë t?i ripërpunojnë të tjerët, dhe kjo gjë ata do t?i nxis që të kthehen prapë në skenë. Vlen të theksohet se kënga e mirënjohur ?Vetëm 5 minuta?, është e komponuar së pari nga ?Foleja?, e më pas atë do ta ripërpunojnë një numër i konsiderueshëm i artistëve tjerë.

Viti 1993 shënon botimin e albumit të tyre të parë të titulluar ?Rina?, i cili përfshinte këto këngë:

?Një tufë lule?, ?Vetmia?, ?Muri kinez?, ?Rina?, ?Ajo shkoi? etj. Albumi me shpejtësinë e dritës, do t?i pushtojë gjitha radio-televizionet e top-listat, duke qëndruar në pozitën e parë. Më pas, ata do të jenë pjesëmarrës në festivalet ?Nota Fest? në Shkup dhe ?Festivali i dytë i rokut shqiptarë? në Tiranë, në vitin 1995.

?Pas mesnate? do të titullohet albumi i dytë, i cili gjithashtu do të pritet mirë nga publiku, madje ky do të ketë sukses edhe më të madh, duke përfshirë hitet e pavdekshme si:

?Pas mesnate?, ?Ku humbën miqtë e mi?, ?Dhembja?, ?Jetoj në një qytet? etj. Këngë tjera të regjistruara ndër vite nga ?Foleja? janë:

?Mos më pyet për perëndim?, ?Të quajta ndjenjë?, ?Flutur?, ?Vajzës shqiptare?, ?Në Autostradë, ?Një botë tjetër?, ?Dua të jetë më mirë? etj?

Grupi aq i dashur për publikun, sot fatkeqësisht ka ndërprerë aktivitetet për 1001 shkaqe, veçanërisht për shkaqe financiare. Së fundi ata u goditën, kur anëtari Kenan Ismaili ndërroi jetë papritmas. Ai njihet si autori i këngës së famshme ?Vetëm 5 minuta?.

Për fund mund të them se ekziston një shkëndijë shprese, pasi ata kanë material të bollshëm muzikorë, i cili është i pa publikuar dhe inçizuar, ndaj mund të shpresojmë që ata do të rikthehen prapë për ta pasuruar me artin e tyre skenën tonë muzikore, cila çdo ditë e më shumë po e merr tatëpjetën?/Bujar Meholli