web counter
LEXO PA REKLAMA!

SHKARKO APP

App Store
Google Play

Transparency International: KLSH, i vetmi që lufton korrupsionin

9 Shtator 2016, 10:25, Aktualitet CNA

Institucionet ndërkombëtare vijojnë të japin alarmin për nivelin e lartë të korrupsionit në Shqipëri. ?Transparency International? ka ngritur dje këtë shqetësim, duke deklaruar se i vetmi institucion që lufton korrupsionin në Shqipëri është Kontrolli i Lartë i Shtetit. Aty theksohet e kallëzimet për abuzime vinë vetëm nga KLSH. ?Të 15 institucionet dhe sektorët e shqyrtuar janë larg të qenit shtylla të forta për luftën kundër korrupsionit. Në terma relativë, Kontrolli i Lartë i Shtetit (KLSH) dhe Avokati i Popullit janë më të mirët në këtë sistem, ndërsa Shoqëria Civile, Prokuroria dhe Gjyqësori janë ndër më të dobëtit?, thuhet aty. Më tej theksohet se PS e ka sulmuar disa herë politikisht KLSH, por kjo e fundit ka vijuar normalisht punën. ?Në praktikë kallëzimet ndaj funksionarëve publike janë rritur. KLSH është penguar të kryejë auditive në Drejtorinë e Përgjithshme të Tatimeve?, thuhet më tej. Sipas raportit, KLSH ka rritur ndjeshëm numrin e kallëzimeve, nga 94 zyrtarë në 2013 në 159 zyrtarë në 2015.

Në raportin për Shqipërinë janë përmendur mbyllja e dosjeve për një sërë zyrtarësh, ish-ministra të qeverisë ?Berisha?, veprimet e Adriatik Llallës, i cili të gjitha dosjet e mëdha të korrupsionit i hodhi në kosh. ?Thuajse të gjithë liderët e partive kryesore politike janë gjykuar për akuza korrupsioni dhe më pas janë liruar nga akuzat?, thuhet në Raport. /Citynews.al





Lajmet e fundit nga