web counter
LEXO PA REKLAMA!

SHKARKO APP

App Store
Google Play

Klosi: Kërkesa për arsim profesional 3-fish mbi kapacitetin

9 Shtator 2016, 12:16, Aktualitet CNA

Ministri i Mirëqenies Sociale dhe Rinisë, Blendi Klosi gjatë një inspektimi mbi ecurinë e regjistrimeve në shkollën Isuf Gjata, Korçë deklaroi se kërkesat për arsim profesional janë trefish mbi kapacitetin, pasi të gjithë e kanë kuptuar se profesioni të punëson.

?Jemi përballur me fluks të papërballueshëm në shumë shkolla profesionale. Qytetarët e kanë kuptuar se arsimi profesional të punëson. Por duhet formimi sipas kërkesave të tregut. Qytetarët e kanë kuptuar këtë ndaj kemi këtë vit fluks kërkesash për arsimin profesional.  Kërkesa për arsim profesional trefish mbi kapacitetin. Nuk kemi mundësi t?i rregjistrojmë të gjithë. Kjo na ka bërë të mendojmë  të ndryshojmë politikat tona investuese në arsimin professional?, tha Klosi.

Ministri Klosi nënvizoi një shifër që shpesh debatohet, 40 mijë vende të reja pune në vend, përballë të cilave ai theksoi se del nevoja e arsimit profesional.

?Janë mbi 40 mijë vende të lira pune në vend. Ka debat të madh për këtë çështje. Ka politikanë që e kundështojnë. I gatshëm të ballafaqohem për shifrat e punësimit.  Vendet e punës janë aty. Nuk ka asnjë bisnes sot, nga qindra që kemi kontaktuar që nuk kërkojnë punonjës. Kush kundërshton këto shifra, të gatshëm të tregojmë një nga një të gjitha vendet e lira të punës?, tha Klosi.

Ministri i Mirëqenies Sociale dhe Rinisë Klosi deklaroi se do të merren masa të zgjerohen të gjitha shkollat me klasa dhe shkollat të kthehen në qendra multifunksionale edhe për të rriturit që duan një zanat. Ministri Klosi nënvioi se shkollat e Korcës janë të binjakëzuara me shkollat austriake dhe në fund të shkollës diplomat do te njihen ne tregun europian të punës. /Citynews.al

 





Lajmet e fundit nga