web counter
LEXO PA REKLAMA!

SHKARKO APP

App Store
Google Play

E fundit!

x

Klosi: Dhjetëfishim i kërkesave për regjistrim/ Do dyfishojmë kapacitetet

8 Shtator 2016, 14:19, Aktualitet CNA

Ministri i Mirëqënies Sociale dhe Rinisë, Blendi Klosi inspektoi procesin e rregjistrimeve të nxënësve në Shkollën Profesionale të Kamzës dhe investimet e realizuara në këtë shkollë, në infrastrukturë dhe laboratorë dhe premtoi mw shumw kapacitete.

?Nëse në vitin e kaluar janë regjistruar në vitin e parë, rreth 300 nxënës, numër gjithsesi i dyfishuar krahasuar me vitin parardhës,  këtë vit tashmë janë regjistruar 600 nxënës e priten të regjistrohen 1000 nxënës, sipas komunikimeve që kemi patur me trupën e mësuesve dhe drejtuesve. Ka një dyndje shumë të madhe të regjistrimeve jo vetëm në Shkollën e Kamzës, por në të gjitha Shkollat Profesionale të qyteteve kryesore. Jemi besimplotë për realizimin e objektivit tonë për dyfishim regjistrimesh në shkallë vendi, jemi besimplotë që në shumë qytete të mëdha të kemi një dyndje akoma edhe më të madhe dhe ne do të bëjmë investime për të shtuar kapacitete e gjithashtu jemi besimplotë që edhe në zonat e tjera, duke vazhduar me këtë ritëm, do të rritim regjistrimet dhe përfshirjen e sa më shumë nxënësve?, tha Klosi.

Ministri Klosi gjeti fluks të  kërkesave për rregjistrim në këtë shkollë, duke u angazhuar në bashkëbisedim me nxënës dhe prindër për rritjen e kapaciteteve, jo vetëm në këtë shkollë.

?Në këtë shkollë dhe  në të gjitha shkollat profesionale ka një rritje të kërkesave për rregjistim, deri edhe në dhjetëfish më shumë se një vit më parë. Në të gjitha shkollat këtë vit shkollor investimi i qeverisë do të disafishohet për shtimin e klasave dhe ambjenteve mësimdhënëse?, tha Klosi.

Ministri Klosi deklaroi se fluksi i kërkesave për rregjistrim është rrjedhojë direkte e rritjes së cilësisë në shkollat e arsimit profesional.  Nga ky aktivitet ministri Klosi iu përgjigj interesimit të medias për vendosjen e kriterit të mesatarës dhe rastit korruptiv të denoncuar në emisionin investigativ STOP në shkollën Karl Gega. /Citynews.al





Lajmet e fundit nga