E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e dytë e Këshillit Kombëtar, ...

Duma: Sekuestrohet droga që nuk paguan 30%/ Tahiri në parcelat me drogë, reklamë biznesit kriminal

31 Gusht 2016, 13:30, Aktualitet CNA

Partia Demokratike denoncon në një deklaratë për mediat se kanabisi ekiston, ka mbuluar vendin dhe propaganda e ministrit Tahiri në parcelat me drogë e vërteton këtë.

Sekretarja për marrëdhënie me Publikun Grida Duma thotë se ky është dështimi I ministrit Tahiri, që I bën reklamë binesit kriminal.

?Shfaqja e Tahirit në parcelat me drogë në mënyrë festive bashkë me gazetarët që merr me vete, më e pakta është konfirmim i dështimit të tij. Përpjekja për propagandë jep rezultatin e kundërt pasi vërteton se kanabisi ekziston, ka mbuluar vendin, një denoncim i përditshëm i opozitës, qytetarëve dhe partnerëve tanë. Tahiri po i bën reklamë biznesit kriminal të lejuar e të bekuar nga Edi Rama.

Edi Rama e ka mohuar deri tani se Shqipëria është mbuluar me drogë, por sot kemi menaxherin e tij kryesor në këtë fushë, Tahirin, që pozon i gëzuar nëpër parcela me kanabis. Kjo shfaqje e turpshme nuk e mbulon dot të vërtetën tjetër të hidhur të këtij fenomeni?, shprehet Duma.

Duma theksoi se asgjësimet kanë të bëjnë me ata që nuk kanë paguar taksën tek shefat e kësaj afere, që sipas saj janë Tahiri dhe Rama.

?Që në Shqipërinë me miliona rrënjë kanabis, digjen ca bimë në mënyrë selektive. Kapet ajo drogë që nuk ka paguar taksën 30 përqind tek shefat, tek Tahiri, tek Rama. Këtë e di kushdo, dhe kjo ndërhyrje, nuk është vecse një shërbim tjetër edhe më i madh që u bëhet bandave të licencuara të qeverisë, që ta kenë të gjithë tregun për vete. Këto aksione sa për shoë, janë gjithashtu një presion që Edi Rama u bën trafikantëve klandestinë, që të paraqiten sa më shpejt, të regjistrohen në defterët e tij, të paguajnë haraçin?, theksoi Sekretarja për marrëdhënie me Publikun Grida Duma.

Partia Demokratike fton shqiptarët të pastrojnë Shqipërinë nga droga bandat dhe kumbarët e tyre në qeveri. ?E vërteta e këtyre aksioneve nuk është aspak, ?askush i paprekshëm?, por askush s?mund të merret me kanabis pa paguar pjesën tek shefat, tek Tahiri, Tek Rama. Të vetmit të paligjshëm janë ata që guxojnë ti shpëtojnë skemës së 30 përqindëshit. Ky është realiteti i sundimit të vendit nga droga e nga bandat e Edi Ramës. Kjo është sot Shqipëria e rrënuar nga ekonomia kriminale e hashashit.

Është koha që shqiptarët të bashkohen e ta pastrojnë vendin nga droga, nga krimi, nga bandat e kumbarët e tyre në qeveri. Shqipëria do të jetë më mirë pa Edi Ramën?, shprehet Duma. /Citynews.al