web counter
LEXO PA REKLAMA!

SHKARKO APP

App Store
Google Play

E fundit!

x

Përplasja Meta-Rama/Paqe e përkohshme apo mbyllje pazaresh

4 Gusht 2016, 09:57, Aktualitet CNA

Përplasja prej disa muajsh mes Kryeministrit Edi Rama dhe Kryetarit të Kuvendit Ilir Meta duket se u shua në mënyrë të menjëhershme, duke krijuar përshtypjen e një shoë politik mes dy drejtuesve të koalicionit qeveritar.

Ishte Ilir Meta që në javët e fundit ashpërsoi tonet duke shfrytëzuar në maksimum mungesës në konsensusit mes PS dhe PD për reformën në drejtësi, për të treguar forcën e tij në stabilitetin qeverisës. Meta paralajmëroi Qeveri teknike, humbi qetësinë dhe durimin, ndërsa Fatmir Xhafaj do të konfirmonte se dashuria e Kryeparlamentarit me aleatin kryesor në Qeverisje, Partinë Socialiste, kishte humbur prej kohësh.

Në fund, Metës duket se iu kthye qetësia dhe dashuria, kur pas relaksit në një seancë masazhi, deklaroi se koalicioni do të vazhdonte funksionimin pasi kishte detyrime ndaj qytetarëve dhe duhej të përmbushte detyrat e tij.

Por çfarë ndodhi në dy javët e fundit, nga momenti kur Ilir Meta me një pamje jo të zakontë u shfaq në Kryesinë e Kuvendit, ku deklaroi se ishte pro krijimit të një Qeverie teknike, deri në momentin kur po ai vlerësoi se kjo qeveri nuk ishte e nevojshme?

Burime nga mazhoranca pohojnë për Citynews se mes Ramës dhe Metës mund të jetë vendosur një paqe e përkohshme, veçanërisht kur nga BE është kërkuar që vëmendja të fokusohet në miratimin e 7 pr/ligjeve që garantojnë reformën në drejtësi. Ndoshta janë bërë llogaritë që me një përkeqësim të klimës politike në vend dhe krijimin e një mazhorance të re fluide në Parlament nga ku mund të prodhohej një qeveri tjetër, mund të rrezikohej miratimi i 7 projektligjeve, ose procesi të zvarritej.

Burimet theksojnë ndoshta ky është mesazhi që i është përcjellë Kryeministrit dhe Kryetarit të Kuvendit nga diplomatë të huaj, për të ndërprerë sulmet e ndërsjellëta të çdo niveli partiak. Nëse ekziston ky variant atëherë me miratimin e pr/ligjeve dhe vënien në funksionim të reformës në drejtësi, nuk përjashtohet mundësia që mes dy partive të koalicionit qeveritar të rinisë përplasja, akuzat dhe kundërakuzat, që mund të përmbyllen me paralajmërimin e bërë dy javë më parë nga Ilir Meta për krijimin e një qeverie teknike.

Por një tjetër variant është ai që dy bashkëdrejtuesit e koalicionit qeveritar të kenë arritur të mbyllin pazarin politik, çka do të thotë se qoftë Rama ashtu edhe Meta kanë toleruar në kërkesat e tyre. Kjo do të thotë që në vjeshtën që po ofron, Qeveria Rama të bëjë një ndryshim në pothuajse të gjithë kabinetin, ku të paktën 5 ministra pritet të lëvizin ose të lënë postet e tyre.

Në javët e fundit, në takimet e përbashkëta mes Ramës dhe Metës, ky i fundit ka kërkuar largimin nga qeveria të ministrave që akuzohen për konçensionet apo çdo ministry të marrë nën hetim nga Prokuroria. Kjo do të thotë se të paktën ministrat Damian Gjiknuri, Ilir Beqaj dhe Sajmir Tahiri, duhet të lenë postet e tyre.

Por gjithashtu Meta ka kërkuar edhe largimin e Edmond Haxhinastos nga posti i ministrit të Transporteve. Për të vetmin ministër që Rama duket se nuk ka rënë dakort është Tahiri që drejton ministrinë e Brendshme, por duket se për të vendosur paqen me Metën, Rama mund të pranojë lëvizjen e tij nga ky post, por jo ta lërë jashtë qeverisë.

Në anën tjetër, LSI mund të shtojë peshën e saj politike në kabinet duke marrë një Ministri shtesë, ose duke mbajtur numrin aktual të Ministrive, por duke drejtuar dikastere të tilla si Ministria e Brendshme apo ajo e Shëndetësisë. Nëse ky skenar është në fuqi kjo do të thotë se deri në mbylljen e mandatit 4 vjeçar, Qeveria e re do të vijojë punën, duke shmangur në këtë mënyrë krizat që mund të çonin nga një proçes i parakohshëm zgjedhor deri në krijimin e një qeverie teknike./citynews/





Lajmet e fundit nga