web counter
LEXO PA REKLAMA!

SHKARKO APP

App Store
Google Play

Ngjarjet në burgje/Rama i kërkon Manjanit nxjerrjen e përgjegjësive dhe raport mbi sigurinë

1 Gusht 2016, 15:20, Aktualitet CNA

Kryeministri Edi Rama i ka kërkuar një raport të hollësishëm ministrit të Drejtësisë Ylli Manjani në lidhje me ngjarjet e ndodhura në burgun e Shën Kollit (Lezhë) dhe Vaqarrit, gjatë dy ditëve të fundit.

Burime nga Qeveria bënë të ditur për Citynews se Kreu i Qeverisë ka kërkuar nga ministri i Drejtësisë nxjerrjen e përgjegjësive për incidentet, si dhe një raport të plotë dhe të hollësishëm mbi gjendjen e sigurisë në burgje, veçanërisht ato që konsiderohen të sigurisë së lartë.

Ndërkohë sot, Drejtoria e Përgjithshme e Burgjeve ka nisur masat administrative ndaj punonjësve të burgut të Shën Kollit, ku 10 efektivë të Policisë së Burgjeve janë shkarkuar me urdhër të Drejtorit të Përgjithshëm të Burgjeve, Miklovan Kopani, i cili gjatë ditës zhvilloi për këtë çështje një takim me ministrin e Drejtësisë.

Po ashtu, është shkarkuar nga detyra edhe shefja e Sektorit të Çështjeve Sociale, ndërkohë që shefi i Policisë së Burgut Shënkoll u transferua në një burg tjetër.

20 punonjës të tjerë të këtij burgu morën masën e paralajmërimit për shkarkim nga detyra, masa këto që i paralajmëroi gjatë ditës edhe ministri i Drejtësisë, Ylli Manjani, i cili kërkoi procedim disiplinor ndaj punonjësve të këtij burgu. /citynews/





Lajmet e fundit nga