web counter
LEXO PA REKLAMA!

SHKARKO APP

App Store
Google Play

E fundit!

x

Nga Mentor Kikia/ Mirënjohje politikanëve tanë që na bëjnë kaq pak të zeza

18 Korrik 2016, 16:43, Aktualitet CNA

Vendi po i drejtohet një krize politike, pa asnjë arsye madhore, përvecse për arsyet personale të një kaste politikanësh që kanë bërë zap drejtësinë dhe nuk duan ta lëshojnë. Vendi kërcënohet me qeveri teknike apo zgjedhje të parakohshme, me krizë sociale apo ekonomike për pasojë, sepse interesat e ca njerëzve nuk përputhen me interesat e shoqërisë dhe vendit. Dhe ata kanë në dorë gjithëcka, ta prishin qeverinë kur s?iu duhet, ta ndërtojnë kur iu duhet, ta bëjnë përshesh këtë vend ku s?iu intereson, e të bëjnë paqe kur iu intereson. Jo or zontërinj, Shqipëria ështe të gjithëve, është e shqiptarëve dhe jo e juaja, që e këni shndërruar në ciflig.
Por c’është ky fjalim patriotik që mbajta unë? Unë harrova se ky vend popullohet nga ca njerëz që nuk e ngrejnë kokën kurrë. Ndaj unë mendoj se ne shqiptarët duhet t?ju jemi mirënjohës ju politikanëve, batakcinj e maskarenj, hajdutë e matrapazë, të pabesë e të pafe, të pangopur e të pamëshirë. Duhet t?ju jemi mirënjohës sepse ju mund të na bëni shumë më shumë se kaq. Ju mund ta shisni Shqipërinë me pjesë, copa-copa, dhe nuk po e bëni. Ju mund të na shisni edhe neve, por s?po e bëni. Ju mund të na vini, mëngjes për mëngjes, të parakalojmë me lule para jush, dhe ne do ta bëjmë, por ju po tregoheni të mirë dhe nuk na e bëni këtë. Ju mund ti vini zjarrin gjithë vendin, por s?po e bëni, thjeshtë po e zhvasni atë. Pra ju mund ti bëni të gjitha këto, sepse këtu nuk ka njerëz që t?ju zënë rrugën, t?ju zënë me gurë e t?ju përzënë jo nga zyrat por edhe nga vendi. Por ju jeni kaq të përgjegjshëm sa nuk na i bëni gjithë këto të zeza.





Lajmet e fundit nga