web counter
LEXO PA REKLAMA!

SHKARKO APP

App Store
Google Play

E fundit!

x

Manjani kërkon shkarkimin e Zv.Drejtorit të burgjeve Iljaz Labi

11 Korrik 2016, 17:33, Aktualitet CNA

Ministri i Drejtësisë, Ylli Manjani ka kërkuar shkarkimin e Zv.Drejtorit të Përgjithshëm të Burgjeve Iljaz Labi, i cili u arrestua ditën e sotme pasi akuzohet për korrupsion në zhvillimin e tenderave për ushqimet.

Burimet bëjnë me dije se prej kohësh Drejtoria e Përgjithshme e Burgjeve kishte nisur procedurat për largimin e tij nga shërbimi civil. ?T’i provoje akuzat ndaj tij para drejtesise si qytetar i çliruar nga funksionet publike.? deklaron Ministri Manjani.

Në pranga kanë përfunduar edhe administratorët e 4 kompanive private, përkatësisht Elidjan Laskaj, Ylber Kalaja, Shemsi Sinani e Nexhmi Balla, të dyshuar për ?korrupsion aktiv?, gjatë procedurave të prokurimit publik për blerje ushqimesh për burgjet në Shqipëri.

Hetimet ndaj tyre kanë nisur në bazë të referimit nga ana e Drejtorisë së Policisë së Shtetit, ku disa kompani private në bashkëpunim me njëra-tjetrën, përfshiheshin në mënyrë fiktive në procedurat e prokurimit publik të zhvilluara nga Drejtoria e Përgjithshme e Burgjeve.

Sipas hetimeve të prokurorisë, katër administratorët, bënin marrëveshje për të kryer konkurrim fiktiv në tenderat e zhvilluara nga Drejtoria e Përgjithshme e Burgjeve, për furnizimin me ushqime duke para përcaktuar se kush do të fitonte.





Lajmet e fundit nga