web counter
LEXO PA REKLAMA!

SHKARKO APP

App Store
Google Play

E fundit!

x

Nga Kastriot Myftaraj/ Vizita e Nuland vërtetoi se amerikanët po e manipulojnë Metën si Karaxhiçin

10 Korrik 2016, 21:15, Aktualitet CNA

Për Ilir Metën nuk ishte e papritur që emri i tij mungoi në agjendën e takimeve të Zonjës Nuland në Tiranë, sot. Meta ishte vënë paraprakisht në dijeni nga Ambasadori Amerikan Lu se Zonja Nuland nuk do ta takonte atë.
Mungesa e emrit të Metës në agjendën e Lu duket megjithatë e çuditshme për dy arsye.
Së pari, Zonja Nuland ka ardhur me mision kryesor miratimin e Reformës në Drejtësi dhe kjo reformë miratohet ose jo në Kuvendin e Shqipërisë, ku kryetar është Meta.
Së dyti, ndryshe nga shkurti, kur Shqipërinë e vizitoi Sekretari Kerry, i cili gjithashtu nuk e takoi Metën, këtë herë Meta iu ka dhënë fjalën amerikanëve se do ta votojë Reformën në Drejtësi, pa bërë lojëra në prapaskenë për ta penguar miratimin e saj si deri më sot.
Duhej pritur pra që Meta të ishte në agjendën e Zonjës Nuland. E megjithatë nuk ndodhi kështu.
Ambasadori Lu i tha Metës se Zonja Nuland nuk do ta takojë atë, por Meta nuk duhet të shqetësohet, sepse ai marrëveshjen me SHBA për garanci personale, e ka me atë Ambasadorin Lu, të dërguarin e Presidentit amerikan në Shqipëri.
Është e njëjta lojë që bëri dikur Ambasadori Hollbruk për të manipuluar Radovan Karaxhiçin, liderin e serbëve të Bosnjës, që ky të pranonte zbatimin e Marrëveshjes së Daytonit për Bosnjë-Herzegovinën.
Ju z. Karaxhiç nuk do të jeni i ftuar në Dayton, i tha Hollbruku, por mos u shqetësoni, ju keni një garanci personale nga Presidenti amerikan, nëpërmjet meje të dërguarit të tij të posaçëm.
Më pas Karaxhiçi e tha këtë gjë me ankim që nga banka e të akuzuarve, në sallën e gjyqit të Hagës, por sa vlerë kishte kjo gjë!
Nuk është ende e qartë se sa e kupton Meta lojën që po luajnë amerikanët me të. Kjo gjë do të verifikohet në 21 korrik.
Se sa vlen garancia që Ambasadori Lu i ka dhënë Metës, kjo gjë do të kuptohet pas 21 korrikut.





Lajmet e fundit nga