web counter
LEXO PA REKLAMA!

SHKARKO APP

App Store
Google Play

Kunati i Tahirit, lokal pa kasë fiskale në Kavalishencën e Durrësit?

10 Korrik 2016, 18:35, Aktualitet CNA

Një evazion fiskal nga ana e njerëzve të lidhur me pushtetin raportohet të jetë kryer në Durrës.

Burimet i thanë citynews se lokali i cili ndodhet në ambjentet e Kavalishencës së Durrësit punon pa kasë fiskale.

Mësohet se klientët që kanë frekuentuar këtë Bar nuk kanë marrë faturë fiskale.

Siç duket në foton e mëposhtme, fatura e paraqitur nuk është e printuar nga kasë fiskale. Gjithashtu, sipas një kërkimi të citynews, rezulton se ?Bar Pista? nuk është i regjistuar në Qendrën Kombëtare të Regjistrimit të Bizneseve. Nuk dihet nëse subjekti në fjalë është i regjistuar me emër tjetër.

Nga ana tjetër, burimet i thanë citynews se lokali është nën administrimin e kunatit të Ministrit të Brendshëm Saimir Tahiri, Alban Berisha.Sipas faqes zyrtare të Kavalishencës në rrjetet sociale, ky subjekt ofron edhe muzikë ?live?. Ndërsa me qindra qytetarë janë arrestuar nga policia pasi punon pa kasë fiskalë, mesa duket ligji nuk zbatohet për njerëz të afërt me pushtetin.

Ky rast tregon edhe një herë se përveç tenderave që merren nga njërëz të lidhur me drejtues të lartë të shtetit, evazioni dhe shkelja e ligjit është e prezente deri në subjektet e vogla siç mund të jetë ?Bar Pista?. /citynews

 





Lajmet e fundit nga