web counter
LEXO PA REKLAMA!

SHKARKO APP

App Store
Google Play

Propozimi i ri për reformën në drejtësi/Nuland: Fund kulturës së pandëshkueshmërisë

10 Korrik 2016, 18:03, Aktualitet CNA

Ndihmës Sekretarja amerikane e Shtetit Victoria Nuland në një konferencë për mediat, pas takimeve të zhvilluara me liderë të politikës shqiptare, bëri të ditur një variant të ri për reformën në drejtësi, ku përfshihen ide të pozitës dhe opozitës.

Zyrtarja e lartë e DASH theksoi se tashmë në duart e mazhorancës dhe opozitës, Ambasadori Donald Lu ka bërë një propozim të ri, ndërsa palët politike vijojnë negociatat për të gjetur kompromisin. Varianti i ri i propozuar është në përputhje me rekomandimet e Komisionit të Venecias, bëri të ditur Nuland.

?Shqipëria ka vend të veçantë në zemrën time. Kjo është vizita e katërt në Tiranë si Ndihmës/Sekretare e DASH.  SHBA-të janë krenarë që janë aleatë dhe partnerë me Shqipërinë. Reforma në Drejtësi dhe negociatat po vijojnë. Reforma është tejet jetike për të ardhmen e demokracisë shqiptare,  Ajo i jep fund kulturës së pandëshkueshmërisë.

91% e shqiptarëve e kërkojnë reformën në drejtësi. Ambasadori Lu ju ka bërë një propozim të ri palëve për reformën. Negociatorët nga të dyja palët kanë punuar fort. SHBA dhe BE janë krenarë që kanë ndihmuar në këtë proces.

Propozimi i ri është hibrid  me ide nga qeveria dhe opozita dhe në përputhje me rekomandimin e Komisionit të Venecias?, tha Nuland.

Ndihmës/Sekretarja amerikane tha se tashmë është koha që palët të bëjnë një marrëveshje, të cilën po e pret populli shqiptar.

?Është çasti që të gjithë patriotët e Shqipërisë të mund të bashkojnë forcat dhe të japin atë që ky vend po pret. Me një reformë të fortë në drejtësi, Shqipëria mund të vazhdojë të ecë përpara edhe në çështje të tjera si ekonomia, krijimi i vendeve të punës”, u shpreh Nuland. /citynews/





Lajmet e fundit nga