web counter
LEXO PA REKLAMA!

SHKARKO APP

App Store
Google Play

Tahiri: Kallëzimi ndaj meje i paprecedentë, kam treguar të vërtetën për gjyqtarin Aliaj

13 Qershor 2016, 11:26, Aktualitet CNA

Ministri i Brendshëm, Saimir Tahiri, tha sot gjatë një konference për shtyp se kallëzimi i KLD ndaj tij është rast i paprecedentë. Ai u shpreh se ka thënë të vërtetën për gjyqtarin Arjan Aliaj, duke liruar nga burgu persona të dënuar për marrëdhënie seksuale.

?Rasti të cilin e kam denoncuar publikisht dhe KLD është angazhuar në një kallëzim penal të paprecedentë ka të bëjë me gjyqtarin Arjan Aliaj, për të cilin kam thënë se ka liruar një person të dënuar me 14 vjet burgim për marrëdhënie seksuale, dhe për këtë shkak është shkarkuar nga detyra. Ka liruar një person për vrasje dhe për vrasje të mbetur në tentative. Ka liruar edhe 4 persona të tjerë për vjedhje me armë dhe vjedhje me dhunë. Të gjitha këto janë të vërteta që un i kam denoncuar.?, tha Tahiri

Më tej, ministri i Brendshëm tha se 9 anëtarët e KLD-së kanë deklaruar një pasuri prej 5 miliardë e 760 milionë lekë. Ai akuzoi presidentin Bujar Nishani se po kërkon të mbajë peng Reformën në Drejtësi. Sipas tij, Këshilli i Lartë i Padrejtësisë, siç e quajti ai, nuk mund ti mbyllë gojën me një kallëzim, e as me njëmijë të tilla.

?Këshilli i Lartë i Padrejtësisë nuk më mbyllë dot gojën, jo me një , por me njëmijë padi penale. Këta 9 anëtarë të Këshillit të Lartë të Pasurisë kanë deklaruar pranë organeve përkatëse një pasuri prej 5 miliardë e 760 milionë lekë, pasuri anëtarët e KLD?, vijoi ai

Më tej, Tahiri tha se KLD është pjesë e frontit të së keqes që kërkon të pengojë Reformën në Drejtësi, por sipas tij, kjo gjë nuk do të arrihet. Tahiri tha se KLD ka sot fytyrën e Bujar Nishanit dhe Gjin Gjonit.





Lajmet e fundit nga