web counter
LEXO PA REKLAMA!

SHKARKO APP

App Store
Google Play

E fundit!

x

Këto pyetje për trurin mbeten ende një mister

29 Maj 2016, 21:30, Kuriozitete CNA

Ndërsa shkenca përparon ngadalë në të gjitha fushat, disa prej  zonave  të trurit mbeten ende të errëta  për sa u përket njohurive që kemi për to.Truri është një nga pjesët më komplekse dhe më të pakuptuara të trupit njerëzor. Ja se cilat janë misteret që vazhdojnë edhe sot të mundojnë shkencëtarët.

Nga vjen personaliteti?

Në vend që të thoni se keni një tru, është më e saktë nëse thoni që ju jeni truri. Ajo gjëja e qullët që keni në kokë me gjasa është vendi nga ka prejardhjen personaliteti juaj,

Ekziston ende  debati, çfarë pjese e personalitetit tuaj vendoset nga gjenet dhe fiziologjia, dhe sa vendoset nga mjedisi? Ideja është se personaliteti juaj duhet të jetojë në trurin tuaj.

Përse flemë dhe ëndërrojmë?

Gjumi është shumë i rëndësishëm. Pavarësisht rreziqeve të kalimit të një pjese të madhe të ditës dhe jetës në gjendje jo të ndërgjegjshme, të gjithë gjitarët dhe shpendët flenë. Është një gjë jetësore, por ne ende nuk e kemi idenë përse ndodh.

Nuk ka arsye të vërtetë përse gjumi supozohet të na japë energji. Ne e marrim energjinë nga ushqimi dhe djegim shumë energji kur flemë.

A kemi vullnet të lirë?

Aktiviteti i trurit ka treguar se ai në disa raste vepron me ndërgjegje dhe pastaj arrin të veprojë me vetëdije. Të tjerë mendojnë se vullneti i lirë është një iluzion dhe se truri na bën të besojmë se veprimet tona janë vullnetare.

Si funksionon vazhdimisht?

Një fakt që ka habitur shumë shkencëtarë lidhet me mënyrën sesi truri vazhdon të punojë pavarësisht të gjitha rrethanave. Një nga problemet më të mëdha që truri duhet të tejkalojë është se merr sinjale të ndryshme nga shqisa të ndryshme gjatë gjithë kohës.

Truri ynë është gjithashtu mjeshtër i iluzionit. Duke përdorur sisteme të ndryshme që funksionojnë si një i vetëm ne arrijmë të kuptojmë gjërat dhe të menaxhojmë gjithçka duke e bërë të duket si një eksperiencë e vetme.

Pavarësisht se shkencëtarët janë përpjekur për ti gjetur një përgjigje këtyre pyetjeve,gjithcka  mbetet një mister.





Lajmet e fundit nga