web counter
LEXO PA REKLAMA!

SHKARKO APP

App Store
Google Play

E fundit!

x

Mogherini në Kuvendin e Kosovës: Mos e nënçmoni dhuratën që po ju jep BE

5 Maj 2016, 15:31, Kosova & Bota CNA

Përfaqësuesja e Lartë e BE-së për Politika të Jashtme, Frederica Mogherini në fjalimin e saj para deputetëve të Kuvendit të Kosovës, tha se dhurata që Bashkimi Evropian po i jep Kosovës nuk duhet të nënçmohet.

Ajo tha se axhenda evropiane është ajo që mban popujt e bashkuar, ndërsa tha se edhe pranimi në UEFA është meritë e përbashkët. ?Axhenda Evropiane na mban të bashkuar. Nuk dua ta marrë meritën për UEFA-n, por dje arritët një sukses, dhe kjo falë punës tuaj së bashku me ne?, tha ajo.

Mogherini theksoi se vetëm një muaj më parë u prezantua Marrëveshja për Stabilizim-Asociimin, kurse dje u dha rekomandimi për liberalizimin e vizave. Këto sipas Mogherini janë suksese të mëdha për Kosovën, nisur se prej ku ka filluar rrugëtimin ky vend drejt Evropës.

Mogherini tha se BE-ja po punon për paqen dhe pajtimin në Ballkan. ?Bashkimi ynë ka të bëj për mirëqenien e njerëzve. Është e qartë se ne duhet të bëjmë shumë më tepër që të zhvillojmë ekonominë, ta luftojmë korrupsionin dhe njerëzve t?u afrojmë perspektivë më të mirë?, theksoi ajo.

?Mos e nënçmoni dhuratën që po ju jep Bashkimi Evropian. Më lejoni të premtoj se do të vazhdojmë që ta bëjmë Kosovën më të mirë. Nga ana ime ky është një përkushtim?, vazhdoi Përfaqësuesja e Lartë e BE-së.

Ajo po ashtu i dha merita autoriteteve të Kosovës për dy lajmet e fundit të Kosovës, duke përfshirë edhe liberalizimin e vizave. ?Propozimi për lëvizje të lirë në zonën e Shengenit është një dëshmi për punën tuaj të madhe?, tha ajo.

?Ju nuk duhet të bëheni Evropë, ju jeni Evropë?, ka thënë Mogherini, nga foltorja e Kuvendit. Ajo u shpreh mjaft e gëzuar që udhëheqësit e pozitës dhe të opozitës janë bërë bashkë në seancë.

?Është një përgjegjësi e madhe në shpatullat tona dhe tuaja, por e dimë se Kosova po e sheh këtë moment me pritje të mëdha. Por një demokraci e re dhe e përgjegjshme ka nevojë për të gjitha partitë, për të ndarë vizionin e ecjes përpara të shtetit?, ka thënë përfaqësuesja e lartë e BE-së për Politikat e Jashtme.

?Unë vij nga një shtet që e ka përjetuar Luftën e Dytë Botërore, është dashur një kurajo e madhe për shtetet që kishin luftuar së bashku, është dashur një kurajo e madhe nga ato shtete dhe ata lider që të punojnë për të ardhmen. Themeluesit e BE-së e kanë pasur vizionin e një Evrope të bashkuar që nga fillimi. Kjo është arsyeja që duhet të diskutohet dhe dialogohet. Kosova ka nevojë për kurajën e pajtimit, për vullnetin për ta lënë të kaluarën pas dhe gatishmërinë për ta rritur koncesionin e ri politik?, ka porositur Mogherini.

Ajo tha se të gjithë ne (vendorë dhe ndërkombëtarë) duhet të shikojmë drejt të ardhmes dhe ta ndërtojmë atë qoftë edhe me veprime ditore. Për këtë edhe ekziston dialogu, ka thënë Mogherini.

?Ka pritje të mëdha në të gjitha nivelet, në asociacionin e komunave me shumicë serbe, ka pasur diskutime të mëdha por marrëveshja që keni arritur tregon se asociacioni nuk do të kaloj kompetencat e tij dhe do të funksionoj brenda kornizave. Asociacioni i komunave do të fuqizojë dhe pasuroj Kosovën duke e lejuar komunitetin serb të integrohet në institucionet e Kosovës?, ka thënë Mogherini, duke porositur dhe siguruar deputetët dhe qytetarët që Asociacioni nuk sjell rrezik për shtetin e Kosovës.

Në fund, Mogherini ka transmetuar këtë porosi:? Ndryshimet kanë ndodhur dhe po ndodhin. Gjërat nuk ndodhin rastësisht. Jeni ju ato që i realizoni ato, dhe është dëshmuar që ju i realizoni ato. Prandaj, jam shumë e bindur dhe e sigurt se kjo javë festimi është vetëm fillimi i një historie të mirë?. /KosovaPress//





Lajmet e fundit nga