web counter
LEXO PA REKLAMA!

SHKARKO APP

App Store
Google Play

E fundit!

x

Grabitet kambisti/ Artan Hoxha: Ngjante si skenë filmi

26 Prill 2016, 14:55, Aktualitet CNA

Persona të paidentifikuar i kanë grabitur rreth 180 milionë lekë një kambisti, i cili sapo kishte tërhequr shumën në fjalë nga banka.

Gazetari Artan Hoxha, i cili ishte dëshmitar okular është shprehur se grabitja e ndodhur pranë Hotel ?Sheraton? ngjante si skenë filmash. Duke shpjeguar grabitjen, Hoxha tha se grabitësi ka pasur informacion të detajuar për transaksionin që do të kryente kambisti sepse zona ku është kryer vjedhja është një nga më të siguruarat në vend.

?Isha duke dalë aty, pashë dy persona që kishin një çantë në dorë. Ata dolën nga hoteli ku ndodhet një bankë, ku kishin marrë edhe lekët. Sapo ata kanë dalë jashtë hotelit, një person i maskuar dhe me armë në dorë u ka dalë para dhe ka bërtitur. Mënjeherë u ka rrëmbyer çantën që njëri prej atyre kishte në dorë.Më pas menjëherë ai ka ikur me vrap dhe ka hipur në një motor me fuqi të vogël. Menjëherë personat që kishin çantë filluan të bërtisnin dhe aty u kuptua se ishte një grabitje. Ata njoftuan policinë dhe aty u bllokua e gjitha.

Personi i grabitur është një kambist i njohur.  Grabitësit kanë pasur informacion për shumën që do të tërhiqej, orarin dhe cdo detaj tjetër të nevojshëm. Grabitësin po e priste një person tjetër me motorr, i cili nuk kishte maskë. Me siguri që grabitësit janë profesionistë. Personi që arriti të merrte lekët ishte i pajisur me armë, por fatmirësisht nuk qëlloi?, tha Hoxha





Lajmet e fundit nga