web counter
LEXO PA REKLAMA!

SHKARKO APP

App Store
Google Play

Çfarë i ndodh trurit nëse nuk flini sa duhet ?

12 Prill 2016, 06:45, Lifestyle CNA

Koha e gjumit është një pjesë e rëndësishme e ditës për trurin. Studimet më të fundit tregojnë se kur jemi pa gjumë, truri ka vështirësi që t?i kryej detyrat e tij të zakonshme siç duhet.

Mungesa e gjumit e pengon trurin që të pushojë, dhe aftësia jonë për të qenë mirë gjatë ditës mund të bie dukshëm. Në një studim të publikuar në gazetën ?Radiology?, një ekip i hulumtuesve kinez dhe anglez raportuan një analizë më të detajuar të asaj se si pagjumësia mund të ndikojë në nerva të caktuara të trurit të cilat rregullojnë njohjen, emocionet dhe proceset e ndjenjave.

Hulumtuesit krahasuan imazhet e trurit të 23 njerëzve me pagjumësi dhe 30 njerëzve të shëndetshëm. Ata u fokusuan në qelizat nervore, për të parë aftësinë e tyre të dërgimit të sinjaleve nga njëra nervë tek tjetra.

Pas analizimit, u mësua se njerëzit me pagjumësi kanë pjesë të fikura të trurit të cilat në fakt do të duhej të ishin të lidhura me njëra-tjetrën.

Njerëzit me pagjumësi kishin më pak lidhje aktive të nervave, sidomos në mes të zonave që kontrollojnë gjumin dhe zgjimin, sesa ata pa pagjumësi. Në fakt, 83%, ose pesë nga gjashtë nervat e mëdha të analizuara nga shkencëtarët, ishin shumë pak të aktivizuara tek njerëzit me pagjumësi.

Shumica e tyre ishin në anën e djathtë të trurit, aty ku emocionet dhe shumica e funksioneve të të menduarit ruhen.

Shkencëtarët thonë se njerëzit duhet të bëjnë gjashtë deri në nëntë orë gjumë, në mënyrë që funksionet e trurit të jenë të gjitha në rregull dhe të aktivizuara.





Lajmet e fundit nga