E fundit!

07:10 Ekonomi

Kursi i këmbimit, 17 korrik 2026

Këtë të premte një dollar amerikan blihet me 81.2 lekë dhe...

The Voice of Albania 5/ Gara e madhe e zërave vjen sot me surpriza të mëdha

1 Prill 2016, 11:16, Aktualitet CNA

E premtja mbrëma mund të quhet tashmë pa frikë nata e The Voice of Albania. Ne fillim ishin karriget e butonët e kuq që të mbanin pezull nëse do të ndizeshin apo jo për artistët e rinj që dëshirojnë fort të bëhen pjesë e kësaj gare të madhe muzikore. Pastaj dhe debatet, grindjet e batutat pafund që shkëmbenin trajnerët për të rrëmbyer në skuadrat e tyre më të mirët. Duhet thënë që në këtë edicion ishte tejet interesante alkimia që patën mes tyre Alma Bektashi, Sidrit Bejleri, Genci Salihu dhe më e reja ndër ta Jonida Maliqi, që mesa duket e solli me vete humorin dhe energjinë që i duhej këtij ekipi.

Ndërsa tani mbrëmja e së premtes i ul njerëzit para ekranit me kënaqësinë për të qeshur me batutat që nuk mungojnë mes trajnerëve dhe moderatorit Ledion Licoë por dhe me kuriozitet të madh si do të shkojë me tej gara e zërave më të mirë në The Voice of Albania 5. Javë pas jave kurioziteti shtohet edhe më shumë, ndërsa në skenë ndodhin eliminimet e qëndrojnë ata që duhet të luftojnë përsëri. Tashmë qëllimi është gjysmëfinalja dhe finalja e madhe. E sigurisht dhe afrimi drejt cmimit te parë.

Sot në mbrëmje do të mësohet se kush prej tetë konkurrentëve që janë ende në garë do ta kalojnë edhe këtë fazë e do të ngjiten në skenë edhe të premten e ardhshme.

Një gjë është e sigurtë: sonte në mbrëmje as Elbuniti e Ernesa nga skuadra e Gencit, as Besarbi e Kaltrina të skuadrës së Jonidës, as Ina e Frosina që kanë si trajnere Almën e as Tiri e Lorenci në skuadrën e Sidritit nuk do ta kenë aspak të lehtë fitoren. Sepse formula e re, Beteja e Kryqëzuar, sipas së cilës ata do të përballen sot mund të sjellë surpriza të mëdha e përballje të forta. Askush nuk e di si mund të shkojë kjo përballje sepse sonte në mbrëmje e gjitha vendoset me short. E pasi duelet të përcaktohen nga shorti, fituesit I zgjedh këtë natë publiku me votën e tij. Tashmë nuk zgjedhin më trajnerët. Konkurrentët sot I dorëzohen totalisht publikut.