web counter
LEXO PA REKLAMA!

SHKARKO APP

App Store
Google Play

E fundit!

x

Njerëzit e hershëm, histori seksuale me Neandertalët

27 Mars 2016, 06:37, Kuriozitete CNA

Shkencëtarët kanë zbuluar se njerëzit kanëbërë foshnja me speciet e ngjashme me njeriun, Neandertalët. Kjo histori seksuale ka lënë gjurmë në ADN-në tonë duke ndikuar sistemin imunitar dhe metabolizmin, sipas një studimi të ri të publikuar në ?The Journal of Science?.

Shkencëtarët kanë analizuar të dhënat gjenetike të më shumë se 1,500 njerëzve nga e gjithë bota dhe kanë konstatuar se njerëzit kanë pasur histori seksuale me paraardhësit e njeriut modern, Neandertalët.

Ata mësuan se disa aziatikë, evropianë dhe madje edhe melanesianë kanë prejardhje nga Neandertalët dhe Denisovanësit.

Këto takime seksuale mund të kenë luajtur një rol të rëndësishëm në biologjinë e njeriut duke ndikuar në lëkurën tonë, flokët dhe duke na dhënë përparësi në luftimin e infeksioneve dhe në shfaqjen e alergjive, si alergjitë e pluhurit, ndaj maces, etj.

“Shumë nga këto gjene të trashëguara janë përfshirë në imunitetin tonë dhe ka të ngjarë që kanë ndihmuar të parët tanë që të luftojnë patogjenet e reja ndaj të cilave janë ekspozuar gjatë shpërndarjes së tyre në mjedise të reja,” ka thënë për CNN eksperti i Universitetit të Uashin gtonit Joshua Akey, i përfshirë në këtë studim.

“Studimet si ky na ndihmojnë për të kuptuar më mirë burimet që kontribuojnë në modelet e diversitetit gjenetik të njeriut”, tha Akey.

Ky studim u jep shkencëtarëve të dhëna të reja në lidhje me ADN-në arkaike që mund të ketë ndikuar në tiparet e njeriut modern.





Lajmet e fundit nga