E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Faktet/ Bashkia Himarë, tender 320 milion lekë me 99% të vlerës

18 Mars 2016, 18:29, Aktualitet CNA

Një kompani pastrimi ka fituar qindra miliona lekë në sajë të shërbimeve të ndryshme të kryera në territorin e Himarës. Shërbimet konsistojnë që nga ofrimi i objekteve kancelarie, pastrime, shitje detergjendësh e deri në shitjen e lodrave për fëmijë. Gjithcka eshte zbardhur nga citynews, duket qartazi nga publikimet zyrtare vlera e prokuruar dhe shuma me te cilen eshte shpallur fituesi.

Fitimi me 99% të vlerës

A.E.K & Co rezulton që shumicën e tenderave të kontraktuara vetëm nga bashkia e Himarës e ka fituar me 99.9% të vlerës. Kështu, duke iu referuar të dhënave zyrtare të Agjencisë së Prokurimit, rezulton se në vetëm 6 tenderat e zhvillura në periudhën Dhjetor 2015-Mars 2016, kjo kompani është shpallur fituese me 99.9% të vlerës, duke marrë në total një shumë prej 32.141.860 lekë të reja, ose rreth 321 milion lek të vjetra.

Tenderat e pastrimit

Bashkia e Himarës ka tenderuar shërbimet e pastrimit, fitues i të cilave është shpallur kompania A.E.K & Co. Sërish këto dy tendera janë fituar me 99.9% të vlerës, ndërsa rezulton se ofertuesit që kanë marrë pjesë në tender nuk kanë paraqitur asnjë ofertë ekonomike, duke bërë që fitues të shpallet A.E.K & Co. Tenderat ?Shërbimi i Pastrimit Himarë? dhe ? Sherbimi I Pastrimit ne Njesine Administrative Lukove?, janë zhvilluar në vetëm 4 ditë diferencë, përkatësisht 15 dhe 11 Mars 2016. Ndërsa shuma totale e tyre shkon në 29.164.083 lekë të reja ose rreth 292 milion lek të vjetra.

Kompania që merr qindra miliona lek nga Bashkia e Himarës

Ndërkohë referuar të dhënave zyrtare të Thesarit të shtetit, rezulton se kompania në fjalë ka marrë qindra miliona lek nga Bashkia e Himarës. Kështu në periudhën 2012-2013 për llogari të kësaj kompanie janë tranferuar plot 199 milion lek të vjetra. Ndërsa për 10 muaj në vitin 2014, kompania ka përfituar 250 milion lekë të vjetra. Referuar të njëjtave të dhëna, rezulton se vetëm në vitin 2015, kompania ka dyfishuar transaksionet, ku ka marrë 439 milion lek të vjetra. Sipas të dhënave të regjistruara në QKR, kompania A.E.K & Co është në pronësinë dhe administrimin e shtetasit Armand Haka./citynews