web counter
LEXO PA REKLAMA!

SHKARKO APP

App Store
Google Play

Prokuroria: Procedimet penale për vjedhjen e energjisë, 63 % e rasteve të papunë

18 Mars 2016, 17:12, Aktualitet CNA

Vjedhja e energjisë elektrike zuri një peshë të lartë në grupin e veprave penale për vjedhjen e pasurisë dukë përbërë  16,5 %, të totalit të procedimeve të regjistruara, njoftoi Prokuroria e Përgjithshme në raportin e punës për vitin 2015 drejtuar Kuvendit të Shqipërisë.

?Në analizë të të dhënave për të pandehurit e regjistruar për këtë vepër penale, mund të nxjerrim si konkluzion se faktorët kriminogjenë që ndikojnë në kryerjen e saj kanë të bëjnë kryesisht me nivelin e papunësisë, ku pjesa më e madhe e të pandehurve 62,5 % rezulton e papunë dhe 36,5 % të punësuar në sektor privat?, thuhet në analizën e prokurorisë për procedimet penale që kanë të bëjnë me vjedhjen e energjisë.

Nga trajtimi i rasteve prokuroria ka vënë në dukje se personat e marrë si pandehur për vjedhjen e energjisë  në 54 % të rasteve rezultojnë me arsim nëntëvjeçar dhe me arsim të lartë janë vetëm 4 %.

?Nisur nga sa më sipër organi i prokurorisë ka qenë i kujdesshëm në politikën e tij të dënimit duke vlerësuar objektivisht faktet, provat e rrethanat e çdo çështjeje. Nga të dhënat lidhur me kërkesat e prokurorit për caktimin e dënimit rezulton se, 55 % të tyre e përbëjnë kërkesat për dënim me burg.?-referohet në raport.

Vërshimi i procedimeve penale për vjedhje energjie gjatë vitit që shkoi ka lidhje me një aksion të përqendruar që ndërmori Kompania e Shpërndarjes së Energjisë Elektrike(OSHEE) në bashkëpunim me policinë e rendit me qëllim reduktimin e humbjeve në rrjet./Monitor





Lajmet e fundit nga