E fundit!

22:38 Aktualitet

Protestojnë prej 26 ditësh/ Qytetarët vijojnë marshimin në rrugët e Tiranës

Prej më shumë se 1 ore, protestuesit vijojnë marshimin në ...

KESH dhe OST kalojnë shërbimin e sigurisë tek privatet/ 390 punonjës rrezikojnë vendin e punës

17 Mars 2016, 16:59, Aktualitet CNA

Në kuadër të ristrukturimit për të reduktuar borxhet, kompanitë publike KESH dhe OST po transferojnë shërbimin e sigurisë për ruajtjen e objekteve tek privatet. Ndërsa Operatori i Shpërndarjes së Energjisë, OSHE e kishte transferuar më parë këtë shërbim tek privatet qysh kur administrohej nga cekët e CEZ.

Operatori i Sistemit të Transmetimit (OST) ka tenderuar 57 milionë lekë ndaj kompanive private për ruajtjen e nënstacioneve në të gjithë vendin. Fituesit u shpallen dje në Buletinin e Prokurimeve Publike. Disa nga kompanitë fituese janë Terzhnjeva, Elena RB & Myrto Securty dhe Skenderbeg Security, teksa janë skualifikuar kompanitë e njohura si Nazeri, Erogjici, Ndreu etj.

Ndërsa KESH është në procedura tenderimi për ruajtjen fizike të HEC-ve në pronësi të saj në të gjithë vendin.
Por nga kjo reformë rrezikojnë vendin e punës rreth 390 punonjës nga të cilat më shumë se 200 janë në KESH dhe rreth 180 në OST.
Burimet zyrtare nga Ministria e Energjetikës pohuan se nga kjo reformë shpenzimet e OST për shërbimin e sigurisë ulen me 64% këtë vit, ndërsa për KESH ulen me mbi 20%.

?Nga analiza e pasqyrave financiare të KESH Security rezulton se kostoja vjetore që duhet të përballojë KESH sh.a. në formën e tarifës për 218 punonjës shërbimi të KESH Security është 81,167 lekë në muaj. Kostoja e testuar e tregut shkon 61,917 lekë në muaj?, pohuan burimet në Ministrinë e Energjitikës.

Gjithashtu sipas të dhënave zyrtare mësohet se OST do të shpenzojë këtë vit për sigurinë e objekteve, 54,4 milionë lekë, nga 152 milionë që shpenzoi më 2015. Kompania ka kursyer fondet për shpenzimet e sigurisë me 64 %.

Duke pare kostot e larta te ketij shërbimi OST sh.a. si dhe duke e krahasuar me alternativen e sigurimit te këtij shërbimi përmes te tretëve OST sh.a. mori vendimin për mbylljen e OST Security sh.a. dhe transferimin e këtij shërbimi tek privatët.

Monitor ka siguruar marrëveshjen që OST ka arritur me sindikatën për pushimin kolektiv nga puna të punonjësve që deri me tani kanë punuar pranë OST Security. Marrëveshja me sindikatën merr në konsideratë pagesën e pushimeve vjetore të pamarra të 2015 dhe shpërblimin për vjetërsi për punonjësit me mbi tre vite pune.

Ministria e Energjetikës sqaroi se reforma është e bazuar në programin e Bankës Botërore për reformimin e sektorit elektronergjitik, dhe e VKM 171 për zbatimin e planit për rimëkëmbjen financiare të këtij sektori. Ministria e Energjisë dhe industrisë kërkoi nga operatoret e sistemit energjitik, (pjese e te cilave është edhe KESH sh.a dhe OST), evidentimin e aktiviteteve jokryesore të shoqërisë si dhe analizimin e mundësisë për uljen e kostove, duke marre këtë shërbim nga operatore private./Monitor