web counter
LEXO PA REKLAMA!

SHKARKO APP

App Store
Google Play

E fundit!

x

Ndihmës ministri i Jashtëm i Kinës viziton Tiranën

13 Mars 2016, 18:45, Politikë CNA

Një delegacion i Ministrisë së Punëve të Jashtme të Republikës Popullore të Kinës, i kryesuar nga Ndihmës Ministri i Jashtëm i Kinës dhe Sekretar i Përgjithshëm i Nismës së Bashkëpunimit Kinë +16 vende të Evropës Qendrore dhe Lindore, Liu Haixing ka mbërritur të dielën në Tiranë.

Zv/ministri i Punëve të Jashtme, Selim Belortaja, i cili ka pritur delegacionin kinez në aeroportin ?Nënë Tereza? në Rinas, shkruan në një postim në rrjetin social ?Facebook? se, ?nesër zhvillojmë konsultime diplomatike mes dy vendeve, ku do të shqyrtojmë ecurinë e marrdhënieve dypalëshe në sferat politike, ekonomike e tregtare, kulturore, etj. si dhe atë në kuadër shumëpalësh?.

Belortaja thekson se, ?vend të veçantë do zerë shqyrtimi i platformës 16+1 me mundësitë dhe instrumentet që ofron. Do të ndajmë informacion për mundësi e projekte zhvillimi në Shqipëri, si dhe mbështetjen e tyre edhe nga burimet tekniko-financiare (publike e private) kineze. Do të sjellim natyrisht edhe vlerësimin e secilit për zhvillimet kyçe ndërkombëtare?.

Ministria e Punëve të Jashtme njofton se delegacion i Ministrisë së Punëve të Jashtme të Republikës Popullore të Kinës, i kryesuar nga ndihmës-ministri i Jashtëm, Liu Haixing do të zhvillojë nesër një takim në orën 10:00 me Ministrin e Punëve të Jashtme, Ditmir Bushati./ATA





Lajmet e fundit nga