web counter
LEXO PA REKLAMA!

SHKARKO APP

App Store
Google Play

Citynews zbardh axhendën e Bashës në SHBA

11 Mars 2016, 10:23, Aktualitet CNA

Citynews ka mundur të sigurojë axhendën e plotë të kryetarit të Partisë Demokratike, Lulzim Basha, i cili pritet të zhvillojë një vizitë 5 ditore, në datat 15-20 mars, në Shtetet e Bashkuara të Amerikës duke filluar nga data 13 mars.

Citynews zbardhi dje delegacionin e plotë që do të shoqërojë kreun demokrat në SHBA. Ata janë deputetët Jorida Tabaku, Gent Strazimiri dhe Eduard Selami, këshilltari Mal Berisha, si dhe një pjesë e stafit të marrëdhënieve me publikun.

Burime zyrtare pranë PD, thanë për citynews se Lulzim Basha ka një axhendë mjaft të ngjeshur  takimesh të rëndësishme në Washington dhe New York.

Axhenda e Bashës përfshin takime me zyrtarë të niveleve më të larta në Departamentin e Shtetit.

Kryetari i PD-së do zhvillojë takime edhe në Kongresin Amerikan. Ai ka në axhendë bisedime me kongresmenë amerikanë.

Kreu demokrat do të zhvillojë një takim me grupin e miqësisë SHBA ? Shqipëri, e cila drejtohet nga kongresmeni amerikan Elliot Engel. Në këtë grup janë pjesëmarrës edhe shumë kongresmenë të tjerë amerikanë. Ky takim zhvillohet pikërisht në ditë e 25-vjetorit të rivendosjes se marrëdhënieve Shqipëri-SHBA.

Një leksion në Universitetin e Kolumbias është pjesë e aktiviteteve të Bashës në SHBA. Gjithashtu, mësohet se do të ketë një dalje të tij edhe tek Zëri i Amerikës.

?Vatra? e shqiptarëve në SHBA do të jetë një nga ndalesat e Bashës. Ai gjithashtu do zhvillojë një takim të veçantë edhe me studentët shqiptarë që jetojnë dhe studiojnë në SHBA, si dhe Këshillin Shqiptaro-Amerikan.

Kjo është axhenada 5 ditore e kreut të PD, në SHBA e cila pritet të raportohet për mediat së shpejti zyrtarisht nga kabineti i Bashës./citynews





Lajmet e fundit nga