web counter
LEXO PA REKLAMA!

SHKARKO APP

App Store
Google Play

E fundit!

x

Shpenzimet luksoze të Bankës së Shqipërisë/ 1 milion dollarë qira zyrash për 3 vite

21 Shkurt 2016, 07:51, Aktualitet CNA

Banka e Shqipërisë ka vendosur të shpenzojë rreth 1 milion euro për marrjen me qira të disa ambienteve në Kompleksin Halili, i cili ndodhet në Rrugën e Dibrës. Gazeta Sot shkruan se vendimi mban firmën e Guvernatorit Genti Sejko dhe kontrata do të zgjasë për tre vite. Vendimi është absurd, në kushtet kur vetëm pak muaj më parë Banka e Shqipërisë përfundoi rikonstruksionin, i cili kushtoi shumë para.

Gjithsesi, kjo nuk i ka penguar drejtuesit e institucionit që të miratojnë fondin prej 106.866.000 lekësh, afërsisht 1 milion USD për marrjen me qira të ambienteve shtesë për një periudhë tre vjeçare. Në vendimin e datës 3 shkurt të këtij viti, guvernatori urdhëron lidhjen e kontratës tre vjeçare për ambiente të tjera shtesë me qira, ndërkohë që ambientet e Bankës janë të bollshme pasi vetëm disa muaj më parë u përurua rikonstruksioni i saj.

Procedurat e rikonstruksionit të BSH ishin gjithashtu të dyshimta, pasi ato u zgjatën në mënyrë të pakuptimtë dhe të paarsyetuar, ndërkohë që administrata e BSH paguante qira të shtrenjta në të njëjtin subjekt privat, ku do të qëndrojë dhe 3 vite të tjera. Shifra reale se sa kushtoi rikonstruksioni i bankës nuk u publikua zyrtarisht asnjëherë.





Lajmet e fundit nga