web counter
LEXO PA REKLAMA!

SHKARKO APP

App Store
Google Play

E fundit!

x

Socialistët e Shkodrës tentojnë të rrahin Ditmir Bushatin

14 Shkurt 2016, 07:31, Aktualitet CNA

Socialistët e Shkodrës kishin planifikuar një konfrontim me ministrin e Jashtëm, Ditmir Bushati, të caktuar si koordinator për këtë zonë nga kreu socialist, Edi Rama.  Mbrëmjen e së premtes, Bushati, bashkë me deputetët Mimoza Hafizi, Namik Kopliku dhe Paulin Sterkaj kishin planifikuar një takim me bazën në Shkodër sa i takon ristrukturimit të PS në këtë qytet dhe delegatëve që do të marrin pjesë në Kongresin e 19 marsit. Gazeta Sot raporton se Ministri Bushati i trembejbej një përplasje fizike me socialistët e pakënaqur, me të cilët ka bërë shumë herë debat në takime të tilla. Bëhet me dije se ai kishte informacion se mund të dhunohej dhe për këtë arsye është dashur që të ndërhyjnë forcat e rendit.

Sipas burimeve, sapo nisi mbledhja, Bushati qëndroi për rreth 10 minuta dhe u largua, teksa të pranishmit aty u shprehën se ai për 15 minuta ka folur në telefon me shefin e policisë së Shkodrës, Lorenc Paganika, duke i kërkuar mbrojtje policore. Përveç kësaj, ajo që ra në sy ishte fakti se Bushati ndryshe nga shumë herë të tjera, por dhe ministra e deputetë të tjerë, ka qenë i shoqëruar me disa truproja. Por, pavarësisht tyre ai i trembej një sulmi dhe për këtë arsye pas bisedës me kreun e policisë Shkodër në ambientet ku zhvillohej mbledhja mbërritën forca të shumta police. Pas kësaj, Bushati u fut në takim ku bisedoi bashkë me deputetët e tjera mbi situatën në Partinë Socialiste, ku nuk kanë munguar akuzat dhe tensioni. Prania e forcave të rendit dhe truprojave të tij shmangu një incident dhe përplasje me të pakënaqurit, të cilët në Shkodër janë të shumtë, pasi shumë pak persona janë punësuar.





Lajmet e fundit nga