web counter
LEXO PA REKLAMA!

SHKARKO APP

App Store
Google Play

E fundit!

x

John Kerry mbërrin në Shqipëri

14 Shkurt 2016, 08:55, Aktualitet CNA

Sekretari amerikan i Shtetit John Kerry ka mbërritur në tokën shqiptare rreth orës 09:45. Ai u prit në Aeroportin Ndërkombëtar “Nënë Tereza” nga Presidenti Bujar Nishani dhe Ambasadori amerikan John Kerry.

Sekretari Kerry do të mbërrijë në Kryeministri në orën 10.10, për t?u takuar fillimisht me ministrin e Punëve të Jashtme Ditmir Bushati. Më pas, do të zhvillohet takimi me Kryeministrin Edi Rama dhe në përfundim të takimit, në orën 11.00, Kryeministri Rama dhe Sekretari Kerry do të kenë një deklaratë për shtyp. Rreth orës 11:45, Sekretari i Shtetit, Kerry do të takohet me Kryetarin e Partisë Demokratike, Lulzim Basha dhe më pas do të zhvillojë një takim me të rinj të shoqërisë civile.

Kush është John Kerry

John Kerry ka qenë Senator i Shteteve të Bashkuara nga viti 1985 deri në 2013 kur mori detyrën e Sekretarit të Shtetit. Në janar të vitit 2013 Presidenti Obama emëroi senatorin Xhon Kerri (John Kerry) nga shteti Masaçusets në vend të Hillari Klinton në detyrën e Sekretarit të Shtetit. Pas Presidentit, posti më i rëndësishëm qeveritar në SHBA është pikërisht ai Sekretarit të Shtetit.

Kerry ka qenë një nga kandidatët për Shtëpinë e Bardhë. Zgjedhjet presidenciale të nëntorit 2004 u mbyllen me humbjen e tij dhe rizgjedhjen e George W. Bush. Kerry nuk arriti të fitonte në shtete kyçe të Iowa, Floridas dhe Ohio duke marrë kështu 252 vota elektorale kundrejt 286 të kandidatit republikan.

Kerry është një ndër politikanët më të pasur të Shteteve të Bashkuara. Ai flet frëngjisht dhe gjermanisht në mënyrë të rrjedhshme dhe është i apasionuar pas sërfit. Në 2003 u diagnostifikua me kancer në prostatë dhe u kurua.





Lajmet e fundit nga