E fundit!

09:13 Kronika

Vodhën milionat për pensionet dhe ndihmat sociale/ Në pranga 3 zyrtaret e Postës Shqiptare

Një rast skandaloz dhe kriminal është regjistruar në Durrë...

Ja si e mbronte PPSH-në me propaganda komuniste Fahri Balliu

20 Janar 2016, 06:01, Aktualitet CNA

I njohur në qarqet mediatike si këndezi, Fahri Balliu ishte një nga propagansisët e Partisë Komuniste. Ditën e djeshme, citynews solli faktet se si ai nuk u pranua në këtë parti, pasi dyshohej se ishte spiun. Në vijim të publikimit të fakteve, citynews sjell sot të tjera dëshmi se si ai e mbronte Partinë e Punës.

Në një shkrim të Balliut në Zërin e Popullit, me titull ?Ditë Dimri? në muajin shkurt të vitit 1991, ai propagandon lidhur me ?filozofinë? komuniste. Fillimisht ai shkruan për punëtorët e uzinës së aglomerimit në kombinatin metalurgjik të Elbasanit, të cilët kishin disa kërkesa. E ndërsa i quan të drejta, Balliu shton se se askush nuk mund të kërkojë asgjë pa punuar.

?Kohët e gundit për fat të keq janë shumë ata që kërkojnë ç?tu zërë mendja e syri. Po si mund të kërkosh pa punuar, pa e plotësuar me ndërgjegje detyrën për të cilën paguhesh? Nga do të dalë zgjidhja ekonomike e kërkesave të fahriu shumta?? shkruante Balliu në Zërin e Popullit.

Ai vijon më tej duke kritikuar ata që ndryshojnë medim dhe veprim për shkak të interesave personale. ?Kjo situatë kërkon njerëz që nuk kërkojnë siç ndodh me disa individë strehëza e strehime për interesat personale, që ndrojnë ngjyrën e lugës për të ngrënë të njëjtën gjellë të privilegjuar. Kjo kohë kërkon një tjetër njeri që të kërkojë pa apelim vetëm kthesë, kthesë të domosdoshme drejt përparimit e mirëqënies, kthesë që mbron dhe i shërben interesave kombëtare.?

Me një gjuhë që do ja kishte zili edhe diktatori Enver Hoxha, Balliu shkruante se sa më shumë serr e shamatë të kemi ne këtu brenda, më të madhe e duan copën të huajt.

Ndërkohë në po të njëjtin shkrim, Balliu artikulon se koha dhe historia nuk e fal atë që akuzon sa majtas, djathtas të kaluarën, ashtu siç dënon spekulantët. Balliu i partisë përmend rastin e një mjeku i cili i kërkonte anëtarëve të qeverisë një mikroskop, ku sipas Balliut ai nuk zuri me gojë asgjë që i përkiste atij personalisht edhe pse ishte me ndonjë kërkesë të vjetër për çështje personale.

Sipas Balliut kërkesat në grup, në emër të shumicës, duheshin vlerësuar. ?Pra je patriot, je hallexhiu vetë, je zëdhënësi i hallexhiut, apo i fryn zjarrit për hesap të dikujt tjetër? e përfundon shkrimin në Zërin e Popullit Fahri Balliu./citynews