web counter
LEXO PA REKLAMA!

SHKARKO APP

App Store
Google Play

Gara për kreun e FRPD/ Dorëhiqen Lisandër Hoxha dhe Enri Ceno

17 Nëntor 2015, 14:57, Aktualitet CNA

Pas Greta Koçit, dy kandidatura të tjera në garën për kreun e Forumit Rinor të Partisë Demokratike kanë dhënë dorëheqjen. Bëhet fjalë për Lisandër Hoxhën dhe Enri Cenon. Dorëheqja e tyre lidhet me rezultatet e zhgënjyese në votimet e kryera në Vlorë dhe Kavajë si dhe me akuzat për manipulimin e garës së ndershme nga kandidati Ervin Salianji.

Kandidati Ervin Salianji po kërkon të marrë votat e të rinjve në cdo mënyrë, duke regjistruar në PD njerëz të call centerit, të rinj nga PS, LSI, PDIU si dhe studentë të cilëve i janë premtuar bursa studimi në UET. Këto arsye janë reflektuar edhe në dorëheqjen e tre kandidaturave, Greta Koçi ,Lisandër Hoxha dhe Enri Ceno. Burime nga FRPD, thanë se përveç Greta Koçit e cila doli hapur në mbështetje të kandidatit Belind Këlliçi, edhe Lisandër Hoxha dhe Enri Ceno, tashmë të dorëhequr nga gara për kreun e FRPD-së, do të mbështesin Belind Këllicin.

Në një kohë kur votimet për kreun e të rinjve demokrat kanë filluar, gara nuk është më ajo e njëjta. Nga 6 kandidatë që ishin në fillim, numri i tyre ka shkuar në tre. Ata janë Belind Këllici, Oriela Nebiaj dhe Ervin Salianji. Në dy ditë, tre kandidatë u tërhoqën nga gara dhe kanë shprehur mbështetjen e tyre për kandidatin Belind Këlliçi.

 

 





Lajmet e fundit nga