E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Neni për shpifjen/ Ja çfarë mendon Nishani, Meta dhe Basha

12 Nëntor 2015, 09:56, Aktualitet CNA

Që nga dalja si informacion ditën e djeshme, mundësia e riaktivizimit të nenit të shpifjes ka tërhequr vëmendjen e opinionit publik në vend.

Kështu, mediat kanë janë shprehur hapur këtij neni. Ndërsa edhe disa deputetë të LSI-së kanë deklaruar se nuk do ta votojnë.

Sot në mëngjes, vetë kryeministri Edi Rama bëri një hap pas duke deklaruar se ky ligj nuk do të prekë gazetarët por vetëm politikanët dhe zyrtarët që paguhen me taksat e popullit.

Por edhe funksionarë të lartë të shtetit kanë reaguar për ligjin e shpifjes. Ja si shprehen ato:

Ilir Meta: Ka një keqkuptim për nenin kundër shpifjes. Mbështesim dekriminalizimin e shpifjes. Do reflektojmë. Ka një keqkuptim mes qëllimit dhe formulimit.

Bujar Nishani: Befasues për mua si qytetar i këtij vendi, por edhe si President i Republikës u shfaq projektligji i qeverisë që kërkon rikthimin e burgimit për gazetarët me pretendimin e luftës ndaj shpifjes. Personalisht një akt të tillë e shoh me preokupim dhe shqetësim. E gjykoj kufizim të lirisë së shprehjes dhe cënim të standarteve demokratike të arritura deri më tash me kontributin e të gjitha paleve politike në vend.
Sigurisht, shpifja është një gjest i ulët kudo dhe kurdo e sidomos kur përdoret mirëfilli për qëllime politike ajo shfaq gjithë shëmtinë e saj. Jo pak herë si politikan, si ministër, si President i Republikës kam qënë dhe vazhdoj të jem objekt i tyre, por kam besuar dhe vazhdoj të besoj se burgosja e një gazetari është burgosje jo vetëm e fjalës, por e vetë lirisë, është goditje e sistemit demokratik, papajtueshmëri me të.
Me fjalen mund të abuzohet dhe çdo abuzim është i kritikueshëm, por me ndrydhjen e saj mund të abuzohet shumë më tepër.
Ndërmjet frikës për t?u shprehur dhe lirisë së shprehjes unë do të bëj çdo ditë të punës sime betejën për këtë të fundit.
Jam i bindur se shqiptarët të cilët 25 vjet më parë, në dhjetor, me protestat e studentëve vranë frikën për të fituar lirinë e fjalës nuk do t?ja dorëzojnë askujt liritë e fituara.
Nuk do ta burgosin fjalën në emër të frikës, por frikën për fjalën.

Lulzim Basha: Burracaku Rama kërcenon me burg mediat dhe gazetarët që nuk arrin ti shantazhoje apo blejë e që kanë kurajon të nxjerrin në dritë skandalet, korrupsionin, vjedhjen, ortakërinë e tij me krimin.
E di dhe vetë ky kokosh poturembushur se nuk ka asnjë shans të trembë askënd. Era e hajduterisë së tij dhe bandës së tij po qelb Shqipërinë. Nuk shpëton dot me marifete të tilla. Nuk do të arrije kurrë ti mbylle gojën as opozitës, as medias së lirë, as qytetarëve. Ai dhe banda e tij do të japin llogari.