web counter
LEXO PA REKLAMA!

SHKARKO APP

E fundit!

x

Akuzat e PD-së/ Reagon OSHEE: Nuk kemi lidhur ende kontratë

8 Nëntor 2015, 12:55, Aktualitet CNA

Operatori i Shpërndarjes së Energjisë Elektrike ka reaguar pas akuzave se OSHEE i ka dhënë tenderin prej 700 milion lekë djalit të Nënkryetares së Parlamentit, Valentina Leskaj.

OSHEE bën me dije se një kontratë e tillë ende nuk është lidhur, ndërsa i ka quajtur të turpshme këto akuza, pasi sipas saj, trajnimi i punonjësve të të gjitha niveleve të kompanisë, që përfshin 5.800 punonjës dhe 15.500 module trajnimi është një domosdoshmëri në vazhdën e transformimit rrënjësor të shërbimit.

?Partia Demokratike vijon sulmet e saj skandaloze mbi  OSHEE-në, duke shpifur papushim në përpjekjen e dëshpëruar me moton ?shpif, shpif se diçka mbetet?. Shpifja e radhës që u lëshua sot është e turpshme. OSHEE nuk ka lidhur ende një kontratë për trajnimin e punonjësve, pasi procedura e parë dhe e dytë dështoi për mosplotësim të kritereve e për mangësi të ofertave. Ndërkohë, trajnimi i punonjësve të të gjitha niveleve të kompanisë, që përfshin 5.800 punonjës dhe 15.500 module trajnimi është një domosdoshmëri në vazhdën e transformimit rrënjësor të shërbimit. Por, Partia Demokratike s’ka asnjë shans ta kuptojë këtë përderisa e vetmja fushë ku kjo parti është e trajnuar është fusha e shpifjes?, thuhet në reagimin e OSHEE.





22:00 Aktualitet

Ngjitja e Asadëve

Konflikti në Siri ka tërhequr fuqitë e mëdha globale, disa p...

Lajmet e fundit nga