web counter
LEXO PA REKLAMA!

SHKARKO APP

App Store
Google Play

E fundit!

x

SKANDALI/ Tre ditë pas arrestimit, Ilir Beqja dha tenderin 500 milionësh për Omega Pharma

5 Nëntor 2015, 12:11, Aktualitet CNA

Pronari i kompanisë ?Omega Pharma?, Nadir Çausholli është në qelitë e burgut, që nga mbrëmja e së shtunës, kur u arrestua së bashku me 12 të tjerë. Të gjithë dyshohen si pjesë e një skeme të vjedhjes së parave nga Fondi i Rimbursimit të Ilaçeve. 2 milion euro të vjedhura me receta të falsifikuara, thote prokuroria. Pronar i një depoje farmaceutike, Nadir Çausholli ishte në qelitë e paraburgimit paraditen e së hënës, kur  Ministria e Shëndetësisë e shpall fitues të një tenderi për ilaçet me vlerë 500 milion lekë.

Veprimtaria e Omega Pharma me institucionet dhe shërbimet shtetërore është bllokuar që nga dita e arrestimit të pronarit dhe punonjësve të saj, në 31 tetor të 2015.

Por kjo nuk e pengoi ministrin, që 3 ditë pas arrrestimeve për vjedhjen e fondeve shtetërore, të shpallë fituese Omega Pharma. Tenderi ka të bëjë me blerje ilaçesh (sasi shtesë) deri në 31 dhjetor 2015. Ajo që e rëndon skandalin, është fakti që kompania është bllokuar nga prokuroria, si aktivitet për mashtrim me vjedhje të fondeve shtetërore dhe ky është një vendim public, një skandal që tronditi opinionin publik.

Në dokumentin më lart, është njoftimi për shpalljen fitues të tenderit. Në ?Buletinin e prokurimeve publike? nr.43 datë 2 nentor 2015, Ministria e Shendetesise njoftoi kompaninë ?Omega pharma group shpk? me NIpt Lol529009P, për tenderin me Nr.Ref: 396/ 14.09.2015, me objekt ?Blerje barna për nevoja spitalore shtesë, deri në fund të vitit 2015, me fond limit në total: 41 milion 380 mijë e 291 lekë të reja pa TVSH, paguar me fonde nga buxheti i shtetit 2015/shpenzime. Po t?i shtosh edhe shumën e TVSH, atëherë shuma arrin në 500 milion lekë të vjetra, për të pandehurin kryesor të skandalit të ilaçeve, Nadir Çaushollin.

Por skandali nuk mbaron me kaq.

Me një njoftim tjetër në të njëjtin bulletin, Ilir Beqja njofton Nadir Çaushollin se i ka akorduar edhe një shumë tjetër parash, si shtesë në vlerën e tenderit, ?Duke iu referuar proçedurës së lartpërmendur, informojmë ?Omega Pharma Group shpk? me NIpt Lol529009P, adreas: tiranë, kashar, ?Kthesa e Kamzës?, përballë ?Casa Italia? se është shpallur fituese edhe për ofertën e paraqitur në ?Lotin 8?, me vlerë në total 685 mijë e 790 lekë pa TVSH?

Bashkë me vlerën e shtuar 20% TVSH, shuma e dytë shkon në afro 8.4 milion lekë, që kësaj kompanie i jepen nga Ministria e Shëndetësisë.

ROLI I NADIR ÇAUSHOLLIT NË SKEMËN E VJEDHJES

Mbrëmjen e së shtunës, prokuroria urdhëroi ndalimin e disa personave, përfshirë pronarin e një depoje farmaceutike, drejtues të kësaj depoje, disa farmacistë dhe zyrtarë të Fondit të Kujdesit Shëndetësor Rajonal, Tiranë, të dyshuar se janë përfshirë në një skemë mashtrimi të madhe me rimbursimin e ilaçeve. Në krye të kësaj skeme, të evidentuar së fundmi, qëndron Nadir Çausholli, administrator i depos farmaceutike ?Omega Pharma?. Nga hetimi mbi këtë procedim ka rezultuar se medikamenti mjekësor ketosteril është një medikament për të cilin të drejtën e importit e ka depoja farmaceutike ?R? F?. Nga disa farmaci që operojnë në tregun e Tiranës, vihet re se këto farmaci kanë deklaruar fletëhyrje të barit ketosteril me furnitor ?Omega Farma Group? për periudhën qershor 2013 ? maj 2015. Gjatë kësaj periudhe rezulton e provuar se ?R? F?? nuk ka bërë shitje të ketosterilit tek ?Omega Pharma Group?. Mësohet se ?Omega Pharma Group? ka krijuar fatura tatimore fiktive. Ky subjekt ka furnizuar farmacitë me fatura shitjeje fiktive pa pasur blerje. Më pas, farmacitë kanë ekzekutuar receta fiktive dhe i kanë kërkuar fondit rimbursim për këto receta./lapsi

 





Lajmet e fundit nga