web counter
LEXO PA REKLAMA!

SHKARKO APP

App Store
Google Play

Tiranë  / Arrestohen 7 persona, zbulohet skema e mashtrimit me pronat

7 Tetor 2015, 07:01, Kronika CNA

Policia e Tiranës ka bërë të mundur arrestimin e 7 personave të dyshuar si të implikuar  në   një  skeme mashtrimi në lidhje me çështjen e pronave.

Në këtë skemë përfshihen edhe biznesmenë të mëdhenj, ndërkohë që mes të ndaluarve janë drejtues të njësisë së Petrelës dhe zyrtarë të Hipotekës së Tiranës.

Në  pranga kanë  rë në : Flora Xhillari,  65 vjeç, me detyrë shefe e zonë Nr.5 pranë ZRPP Tiranë; Argid Alikaj, 29 vjeç; L. M., të dy këta persona mbanin pozicionin e specialist-juristit pranë zonën Nr.5 në ZRPP Tiranë; Genci Sula, 37 vjeç me detyrë specialist i zyrës së menaxhimit dhe mbrojtjes së Tokës në Njësinë Administrative Petrelë; Ilir Rrushi, 42 vjeç; Xhevahir Hyka,  51 vjeç dhe Alban Dushku,  37 vjeç.

Sipas policisë, shtetasi Alban Dushku në bashkëpunim më shtetasit Xhevahir Hyka dhe Ilir Rrushi kanë falsifikuar dokumentat e pronës së shtetasit G.H, ku për pasojë i kanë tjetërsuar pronësinë me një sipërfaqe prone prej 4.000 metra katrorë, me vlere 600 mije Euro.

Rezulton se shtetasit Alban Dushku në bashkëpunim me shtetasit Xhevahir Hyka dhe Ilir Rrushi, pasi kanë falsifikuar tërësisht dokumentacionin e pronës me të dhënat e mësipërme, kanë ushtruar ndikim tek punonjësit të ZVRPP Tiranë, për pajisjen me certifikatë pronësie në mënyrë të kundraligjshme.





Lajmet e fundit nga