web counter
LEXO PA REKLAMA!

SHKARKO APP

App Store
Google Play

Shit-blerja e banesave, ja çmimet në qytetet e Shqipërisë

7 Tetor 2015, 08:10, Aktualitet CNA

Çmimi i shitjes dhe blerjes së banesave në të gjithë vendin do të ndryshojë këtë vit.  Tirana do të mbetet me çmimet e vitit 2014,  ndërsa për zonat e tjera të vendit çmimi do të ndryshojë. Këshilli i Ministrave ka miratuar tabelën me çmimet e shitblerjes së shtëpive të banimit për 12 qarqet.  Në  Tiranë  çmimi nuk ka ndryshuar si për zonat brenda vijës së verdhë ashtu dhe për ato në periferi. Çmimi për metër katrorë në kryeqytet arrin që nga viti i kaluar deri në 190,000 lekë.

Qytetet kryesore – Në Durrës, çmimi për metër katrorë ishte 70,093 lekë vitin e kaluar, ndërsa qeveria vendosi tashmë ta ulë në 68,540 lekë. Në Vlorë nga 61,655 lekë që ishte vitin e kaluar, tani do të jetë 59,400 lekë. Në Korçë nga 47,000 lekë për metër katrorë  është bërë 45,816 lekë për metër katrorë. Në Pogradec, një metër katrorë për banesë blihej për 50,000 lekë. Sot, çmimi ka shkuar 49,956 lekë. E njëjta linjë është ndjekur dhe për Elbasanin. Çmimi i banesës për metër katrorë në këtë qytet ishte 50,400 lekë. Me vendimin e ri të qeverisë, çmimi është bërë 50,200 lekë. Në Gjirokastër, çmimi i ri për metër katrorë do të jetë 47,860 lekë, ndërkohë që deri më sot ishte 49,580 lekë. Berati do të ketë çmime më të ulëta të banesave këtë vit. Në këtë qytet, çmimi i një banese për metër katrorë ishte 42,190 lekë. Qeveria ka vendosur ta ulë në 41,000 lekë.

Qytetet dytësore ? Në qytete si  Erseka, Poliçani, Çorovoda, Memaliaj, Tepelenë, Burrel, Bulqizë, Bajram Curri dhe Divjakë çmimi i banesave është rritur.

Kostot e ndërtimit – Kostoja e ndërtimit për metër katrorë është rritur krahasuar me vitin e shkuar. Sipas tabelës, mësohet se kostoja mesatare e ndërtimit të banesave nga Enti Kombëtar i Banesave për vitin 2015, do të jetë 39,587 lekë për metër katrorë për sipërfaqe shfrytëzimi, ndërkohë që vitin e kaluar ishte 39,482 lekë për metër katrorë për sipërfaqe shfrytëzimi.

 





Lajmet e fundit nga