E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Filmi Time Out of Mind

20 Shtator 2015, 22:05, Aktualitet CNA

Aktori dhe aktivisti Richard Gere së bashku me regjisorin Oren Movernman trajtojnë fenomenin e të qënit pastrehë në filmin dramatik Time out of Mind. Aktori Gere ofron një aktrim mbreslënës në rolin e George, një i pastrehë që përpiqet të jetë i pranishëm në një shoqëri që nuk e pranon ekzistencën e tij.

Në filmin ?Time out of Mind?, George, një i pastrehë, ndodhet në enigmë. Filmi nuk tregon të kaluarën e tij dhe nuk spjegon arsyet se pse ai është i pastrehë. Aty trajtohet beteja e tij e përditshme për të mbijetuar. Aktori Richard Gere e transformon veten mjaft mirë në njeriun endacak.

Regjisori Oren Moverman, foli mbi filmin me Zërin e Amerikës.

?Është një film që tërheq vëmendjen ndaj një njeriu që zakonisht shoqëria nuk e përfill.?

Regjisori Oren Moverman përdori lente që xhirojnë nga shumë larg ku Richard Gere i vetmuar në karaktetrin e tij ushtron zanatin e lypsarit në qytetin e Nju Jorkut. Rezultatet ishin të befasuese, thotë për Zërin e Amerikës aktori.

?Askush nuk e kishte vëmendjen. Kisha ndjenjat e një njeriu të padukshëm. Eksperica që përjetova ishte si një vrimë e zezë, ku njerëzit e shikonin por nuk donin t?i afroheshin. Ata nuk donin të më afroheshin jo vetëm fizikisht por as emocionalisht.?

Filmi tregon se është shumë e lehtë që dikush të bëhet i pastrehë. Po ashtu trjaton qendrat për të pastrehët se si drejtohen me burokraci por ama të pushtuara nga dhembëshuria e punonjësve socialë.

Richard Gere shpreson që filmi do të nxisë mbështetje për njerëzit e zhvendosur në mbarë botën.

?…të gjithë personat e zhvendosur dhe refugjatët, kjo qe jemi duke parë në Evropë dhe tensionet e disa miliona njerëzve të zhvendosur që kërkojnë një strehë. Shtepitë e tyre nuk janë më.?

Zoti Gere thotë se të qënit i pastrehë të bën të vësh në pikëpyetje vet egzistencën tënde. Ai thotë se askush nuk e vëren prenzencën tënde. Ai zgjodhi që të përjetonte të qënit i pastrehë.

? Ishte një eksperiencë me emocione të shumta.?

Filmi Time out of Mind tregon edhe arsyen. VOA